अमरावती : जिल्हा परिषद कृषी विषय समितीची सभा शुक्रवारी सभापती विठ्ठल चव्हाण यांचे अध्यक्षतेखाली पार पडली. यावेळी विविध मुद्यावर चर्चा करण्यात आली. सभेला समिती सदस्य व अधिकारी उपस्थित होते.
..........................................
इस्माईलपूरच्या नागरिकांची जिल्हा कचेरीवर धकड
मोर्शी : तालुक्यातील इस्माइलपूर येथील नागरिकांचे मतदार ग्रा.पं. हिवरखेड येथे आहे. मात्र, नागरिकांना सोई सुविधा पुरविण्यास नकार दिला जातो. सुविधा दापोरी ग्रा.पं.कडे मागा असे सांगितले जाते. त्यामुळे या नागरिकांना न्याय द्यावा, अशी मागणी माजी मंत्री डाॅ.अनिल बोंडे यांनी केली आहे.
................................
समाजकल्याण समितीची सभा
अमरावती : जिल्हा परिषद समाजकल्याण समितीची सभा विविध विषयाला अनुसरून सभापती दयाराम काळे यांच्या अध्यक्षतेत पार पडली. यावेळी समिती सदस्य व अधिकारी उपस्थित होते.
..........................
जलव्यस्थापन समिती सभा स्थगित
अमरावती : जिल्हा परिषद जलव्यवस्थापन समितीची सभा शुक्रवारी आयोजित केली होती. परंतु, ऐनवेळी ही सभा स्थगित करण्यात आली. त्यामुळे आगामी काही दिवसात ही सभा पुन्हा होणार आहे.
.................................
एसटी बसेसमध्ये गर्दी वाढली
अमरावती : राज्य परिवहन महामंडळाच्या एसटी बसेस आता प्रवाशांची गर्दी दिवसेंदिवस वाढू लागली आहे. गत काही दिवसापूर्वी कमी प्रवाशांवर धावणाऱ्या बसेस आता मात्र पूर्ण क्षमतेने धावत आहेत.