तरुण उत्साही मंडळातर्फे रक्तदान शिबिर

येवदा : येथील तरुण उत्सव गणेश मंडळाने कोरोनाचा वाढता प्रादुर्भाव आणि देशभर रक्ताची कमतरता याची उणीव भरून काढण्याकरिता नियमाचे काटेकोर पालन करून, येथील तरुण उत्सव गणेश मंडळाचे अध्यक्ष अक्षय गावंडे उपाध्यक्ष पंकज कनेरकर सचिव मयूर वांदे व मंडळाचे सर्व सदस्य यांनी शिवाजी महाराजांच्या प्रतिमेचे पूजन करून रक्तदान करण्यास सुरुवात केली. मंडळाच्या वतीने या कोरोना काळात एक अभिनव उपक्रम राबविण्यात आला. या शिबिरांमध्ये एकूण ४७ लोकांनी रक्तदान केले. अमरावती येथील पंजाबराव देशमुख हॉस्पिटलमधील डॉक्टर स्नेहा पावडे, प्राजक्ता गुल्हाने, हरीश खान, संजय दहिकर, अमोल टॅटू हे टीम दाखल झाली होती. त्यांचे मंडळाच्या वतीने आभार मानण्यात आले. मंडळाचे सर्व सदस्यांनी अथक परिश्रम घेऊन कार्यक्रम यशस्वीरीत्या पार पाडला