शासकीय तंत्रनिकेतमध्ये चोरीचा प्रयत्न

अमरावती : गाडगेनगर हद्दीतील शासकीय तंत्रनिकेतनमध्ये चोरीचा प्रयत्न झाला. ही घटना गुरुवारी उघडकीस आली. प्रदीप पंजाबराव घाटे (४२ रा. शासकीय तंत्रनिकेतन कॉलेज) यांनी १३ मे रोजी कॉलेजची पाहणी केली असता, एक व्यक्ती क्वॉर्टरमधील पंखा, नळ फिटिंगचे साहित्य चोरून नेताना आढळला. त्यांनी घटनेची तक्रार गाडगेनगर पोलिसांत नोंदविली. पोलिसांनी विधवान दैवलाल सावंग (४० रा. रानेम धाना, ता. जि. अकोला) आणि अन्य एका इसमाविरुध्द गुन्हा नोंदविला.

000000000000000000000

बांधकाम स्थळाहून ५७ हजारांचे साहित्य लंपास

अमरावती : गाडगेनगर हद्दीतील मेघेवाडी स्थित फार्म हाऊससमोरील बांधकामस्थळाहून चोरांनी ५६ हजार रुपयांचे साहित्य लंपास केले. ही घटना गुरुवारी उघडकीस आली. केतन मगन पटेल (३१ रा. नवीन वस्ती, बडनेरा) हे एका कंपनीचे व्यवस्थापक असून, त्यांना बांधकामस्थळावरील चौकीदार तिरकू मेश्राम याने चोरी झाल्याची माहिती दिली. त्यानुसार त्यांनी गाडगेनगर पोलिसांत तक्रार नोंदविली.

0000000000000000000000

पलाश लाईनमधून दुचाकी लंपास

अमरावती : गाडगेनगर हद्दीतील पलाश लाईनमधून एका इसमाची दुचाकी चोराने लंपास केली. ही घटना गुरुवारी उघडकीस आली. नानासाहेब मारोतराव जुमळे (७४ रा. पोटे टाऊनशिप) यांनी एमएच २७ एजी ४६९२ या क्रमांकाची दुचाकी पलाश लाईनमधील एका दुकानासमोर उभी केली होती. ती चोराने लंपास केली. तक्रारीवरून गाडगेनगर पोलिसांनी अज्ञात आरोपीविरुध्द गुन्हा नोंदविला.