अमरावतीकरांचा ‘स्मार्ट’ अपेक्षाभंग

बहुप्रतिक्षित ‘स्मार्ट सिटी’स्पर्धेच्या तिसऱ्या फेरीचा निकाल काल- परवा लागला आणि सात लाख

स्मार्ट सिटीचे दिवास्वप्नच : आता केवळ प्रतीक्षाअमरावती : बहुप्रतिक्षित ‘स्मार्ट सिटी’स्पर्धेच्या तिसऱ्या फेरीचा निकाल काल- परवा लागला आणि सात लाख अमरावतीकरांचा हिरमोड झाला. स्मार्ट सिटीच्या स्वप्नावर यामुळे विरजण पडले.नवी दिल्लीत केंद्रीय मंत्री व्यंकय्या नायडू स्मार्ट शहरांची नावे घोषित करीत असताना अमरावतीकर प्राण कंठाशी आणून अमरावतीच्या नावाची प्रतीक्षा करीत होते. अमरावतीचा उल्लेख आता होईल. मग होईल..याची प्रतीक्षा करीत होते. मात्र, २७ शहरांची यादी जाहीर झाली आणि त्यात अमरावतीचा उल्लेख झालाच नाही. क्षणात अमरावतीकरांचा अपेक्षाभंग झाला. पुन्हा एकदा अमरावतीकरांच्या पदरी घोर निराशा आली. अमरावती महापालिका ‘स्मार्ट सिटी’तून बाद झाले. आता उरली आहे ती केवळ प्रतीक्षा. नव्याने प्रस्ताव दाखल करण्याच्या कालावधीची प्रतीक्षा करण्याशिवाय तूर्तास पर्याय नाही.अमरावतीचा नंबर का हुकला? अमरावती : राज्यातील पाच शहरांची ‘स्मार्ट सिटी’त निवड होत असताना आपण कुठे कमी पडलो याचे मंथन करण्यापलिकडे आता दुसरा ‘स्मार्ट’ पर्याय अमरावतीकरांजवळ व महापालिका यंत्रणेकडेही नाही. तत्कालीन आयुक्त चंद्रकांत गुडेवार आणि विद्यमान आयुक्त हेमंत पवार या दुकलीने प्रयत्नांची पराकाष्ठा केली खरी; मात्र यश आले नाही. अमरावतीचा नंबर का हुकला? याची कारणमीमांसा मात्र व्हायलाच हवी.पंतप्रधान नरेंद्र मोदी यांच्या संकल्पनेतील १०० स्मार्ट सिटीच्या उपक्रमात अमरावती महापालिकेचा समावेश झाला व अमरावतीकरांच्या आनंदाला धुमारे फुटले. पहिल्या फेरीतच अमरावतीचा समावेश निश्चित व्हावा, यासाठी तब्बल ५,५०० कोटी रुपयांचा डीपीआर केंद्राला पाठविण्यात आला. मात्र, ‘ग्रीनफिल्ड’ संकल्पनेचा पहिल्या फेरीत समावेश झाला नाही. अमरावती महापालिकेने पाठविलेला ‘ग्रीनफिल्ड’ प्रस्ताव नाकारण्यात आला. त्यानंतर ‘फास्ट ट्रॅक’मध्येही अमरावती महापालिकेचा समावेश होऊ शकला नाही. त्यानंतर दुसऱ्या फेरीसाठी नव्याने २२६८ कोटी रूपयांचा प्रस्ताव ३० जूनला रवाना करण्यात आला. दुसऱ्यांदा निश्चितपणे यश मिळेल, याआशेने सर्वसमावेशक प्रस्ताव पाठविल्याचा दावा यंत्रणेकडून करण्यात आला. मात्र, दुसऱ्या प्रयत्नातही अमरावती महापालिका स्मार्ट सिटी स्पर्धेत टिकाव धरू शकली नाही. आतापर्यंत १०० पैकी ६० शहरांची स्मार्ट सिटी प्रकल्पांत निवड झाली आहे. पहिली फेरी, फास्ट टॅ्रक आणि तिसऱ्या फेरीत अमरावती शहराची निवड न झाल्याने आता पुन्हा एकदा अमरावतीला ४० शहरांसोबत स्मार्ट स्पर्धेला सामोरे जावे लागेल. स्मार्ट सिटी, त्या अनुषंगाने होणारी गुंतवणूक आणि भविष्यकालीन विकासाला तूर्तास तरी ब्रेक लागला आहे. (प्रतिनिधी)