पी २२ परतवाडा फोल्डर
तट्टे, मेहरे, पठाण यांची वर्णी : विषय समिती सभापतींची निवड २९ जानेवारीला
परतवाडा : अचलपूर नगरपरिषदेच्या स्थायी समिती सदस्यपदी प्रहारचे संजय तट्टे, शिवसेनेचे गोवर्धन मेहरे आणि काँग्रेसचे पप्पू पाठण यांची बिनविरोध निवड झाली. २२ जानेवारी रोजी अचलपूर नगरपरिषदेच्या सभागृहात याकरिता विशेष सभा बोलावण्यात आली होती. अचलपूरचे एसडीओ संदीपकुमार अपार, मुख्याधिकारी राजेंद्र फातले, नगराध्यक्षा सुनीता फिसके यांच्या उपस्थितीत ही सभा पार पडली.
प्रहार-लोकभारतीच्यावतीने गटनेते संजय तट्टे, शहर विकास आघाडीच्यावतीने गटनेत्या नगराध्यक्षा सुनीता फिसके व राष्ट्रवादी विकास आघाडीच्यावतीने गटनेते ल. ज. दीक्षित यांनी प्रत्येक विषय समितीवर प्रत्येकी तीन सदस्यांची नावे सभागृहात दिली. भाजपचे गटनेता शशीकांत जयस्वाल व काँग्रेस पक्षाच्यावतीने गटनेते नाशिरशहा यांनी प्रत्येकी दोन सदस्यांची नावे सुचविलीत. नगरपरिषदेच्या महिला व बालकल्याण, आरोग्य व स्वच्छता, शिक्षण, बांधकाम, नियोजन व पाणीपुरवठा विषय समित्यांवर पाठविण्यात आलेल्या या प्रत्येकी १३ सदस्यांमधून २९ जानेवारीला या विषय समित्यांच्या सभापतींची निवड केली जाणार आहे. यात नगरपरिषदेचे उपाध्यक्ष पाणीपुरवठा समितीचे पदसिद्ध सभापती राहत असल्यामुळे या समितीच्या सभापतीपदाकरिता निवडणूक होणार नाही. नगरपालिकेचे उपाध्यक्ष शशिकांत जयस्वाल हे पाणीपुरवठा विषय समितीचे सभापती राहतील.
——————