कॅप्शन - गुटखा साठा जप्तीची कारवाई करताना पोलीस व अन्न सुरक्षा अधिकारी.
-----------------------------------------------------------------------------------------------
पोलीस आयुक्तांच्या विशेष पथकाची कामगिरी : एक आरोपीला अटक
अमरावती : पोलीस आयुक्तांच्या विशेष पथकाने गाडगेनगर ठाणे हद्दीतील पॅरेडाईज कॉलनीत गुटखा व सुगंधी पानमसाला असा एकूण १० लाख ८१ हजार ५२० रुपयांचा साठा जप्त केला. ही कारवाई शनिवारी दुपारी करण्यात आली.
पोलीस सूत्रांनुसार, मोहम्मद आसिम रजा मोहम्मद इद्रीस (३२, रा. पॅरेडाईज कॉलनी) याला याप्रकरणी अटक करण्यात आली आहे. पथकाला माहिती मिळताच त्यांनी अन्न व सुरक्षा अधिकाऱ्यांना माहिती देऊन आरोपीच्या राहत्या घरी धाड टाकली व हा साठा जप्त केला. ही कारवाई पोलीस आयुक्त आरती सिंह यांच्या मार्गदर्शनात विशेष पथकातील सहायक पोलीस निरीक्षक पंकज चक्रे व पथकाने केली. अन्न सुरक्षा अधिकारी भाऊराव चव्हाण यांनी घटनास्थळावर पंचनामा करून गाडगेनगर ठाण्यात रीतसर तक्रार नोंदविली. तक्रारीवरून आरोपीविरुद्ध गुन्हा नोंदविला आहे. पुढील तपास पोलीस करीत आहेत.