स्वच्छतागृह परिसरात अस्वच्छता!
अकोला: जिल्हा परिषद परिसरातील सार्वजनिक स्वच्छतागृह परिसरात अस्वच्छतेचे साम्राज्य पसरले आहे. त्यामुळे स्वच्छतागृह परिसरात स्वच्छता राखण्यासंदर्भात जिल्हा परिषद प्रशासनाने उपाययोजना करण्याची गरज असल्याचे चित्र आहे.
प्रलंबित आक्षेपांचे अनुपालन!
अकोला: लेखा परीक्षण अहवालातील प्रलंबित आक्षेपांचे अनुपालन तयार करण्याचे काम जिल्हा परिषदेतील विविध विभागात सुरू आहे. शनिवार, ९ जानेवारी रोजी सुटीच्या दिवशीही जिल्हा परिषदेच्या विविध विभागात कर्मचारी लेखा परीक्षण अहवालातील प्रलंबित आक्षेपांचे अनुपालन तयार करण्याचे काम करीत होते.
‘सीईओ’ आज घेणार बैठक!
अकोला: जिल्हा परिषद मुख्य कार्यकारी अधिकारी (सीईओ) साैरभ कटियार सोमवार, ११ जानेवारी रोजी सकाळी १०.३० वाजता जिल्हा परिषद अंतर्गत विविध खातेप्रमुख अधिकाऱ्यांची बैठक घेणार आहेत. त्यामध्ये गत आठवडाभरातील विविध विभागाच्या कामाचा आढावा घेण्यात येणार आहे.
शिक्षण, बांधकाम विभागाच्या कामाचा उद्या आढावा!
अकोला: जिल्हा परिषद शिक्षण आणि बांधकाम विभागाच्या कामांचा आढावा मंगळवार, १२ जानेवारी रोजी शिक्षण व बांधकाम सभापती चंद्रशेखर पांडे गुरुजी घेणार आहेत. संबंधित विभागाचे अधिकारी या बैठकीला उपस्थित राहणार आहेत.