दोन ट्रकची धडक; १ ठार, ११ जखमी

दोन ट्रकमध्ये धडक; शिर्ला फाट्याजवळ अपघात.

पातूर/शिर्ला (जि. अकोला): दोन ट्रकमध्ये धडक झाल्याची घटना सोमवारी रात्री ११ वाजताच्या सुमारास शिर्ला फाट्यावर घडली. या दुर्घटनेत एक जण ठार झाला असून, ११ जण जखमी झाले. जखमीपैकी एकाची प्रकृती गंभीर आहे. एमएच-३0-एबी-११६१ क्रमांकाचा ट्रक वाशिमहून अकोल्याकडे कॅटरिंगचे साहित्य घेऊन येत होता. त्याचवेळी अकोल्याकडून मालेगावकडे एमएच-जे-११५ या क्रमांकाचा ट्रक खत घेऊन जात होता. दोन्ही ट्रकमध्ये शिर्ला फाट्याच्या वळणावर धडक झाली. या अपघातात कापशी येथील संतोष प्रल्हाद डाबेराव यांचा मृत्यू झाला, तर मिलिंद नरेश सोनोने हा गंभीर जखमी झाला. सुरेश रामकृष्ण इंगळे, कुणाल रामराव तिडके, रामा यशवंत पवार, संतोष परशराम वानखडे, विशाल जगदेव धोटकर, गोविंद नरसिंग डाबेराव, गणेश सदाशिव मोकळकर, महादेव तुळशीराम तिडके, युवराज मोहन इंगळे, राजेश पांडुरंग परनाटे (रा. कापशी) हेदेखील जखमी झाले. अपघाताची माहिती मिळताच पोलीस घटनास्थळावर पोहचले आणि त्यांनी जखमींना सर्वोपचार रुग्णालयात हलविले.