ट्रकची दुचाकीला धडक; एक जागीच ठार

लोणार तालुक्यातील घटना.

महारचिकना/खापरखेड (जि. बुलडाणा) : महारचिकना फाट्यावर ट्रकने दुचाकीला धडक दिल्याने घडलेल्या अपघातात एक इसम ठार झाल्याची घटना १८ जुलै रोजी सायंकाळी ५ वाजताच्या सुमारास घडली.लोणार तालुक्यातील चोरपांग्रा येथील अशोक रामकिसन पिंपळे (२८) हा युवक डोंगरकिन्ही येथून पाहुण्यांच्या घरुन दुचाकीने (एम.एच.२८ ए.के.२३२६) परत येत होता. दरम्यान विरूद्ध दिशेने येणार्‍या मालवाहु ट्रकने (सी.जी.0४ - डी.ए.९९५६) धडक दिल्याने दुचाकीस्वार युवकाचा जागीच मृत्यू झाला. याप्रकरणी पोलिस पुढील तपास करीत आहेत.