कोरोना नियमांचे पालन करा!
हातरूण : कोरोना संकटात प्रत्येकाने नियमावलीचे पालन करण्याचे आवाहन उरळ पोलीस स्टेशनचे ठाणेदार अनंतराव वडतकार हातरूण येथे गुरुवारी केले आहे. यावेळी सरपंच वाजिद खान, एजाज खान, नजाकत खान, हकिमोद्दीनभाई, नासीर खान, ग्रामपंचायत सदस्य शे. युसूफ, साबीरभाई, मंजूर शाह, शैलेश घुगे हजर होते.
शेतकरी, शेतमजुरांची कोविड तपासणी गरजेची
वणी रंभापूर : कोरोना रुग्णसंख्येत होणारी वाढ पाहता, शेतकरी, शेतमजूर यांची तपासणी करणे गरजेचे आहे. घरोघरी जाऊन तपासणी व लसीकरण केले, तर परिसर कोरोनामुक्त होईल. मृग नक्षत्र अवघ्या १७ दिवसांवर येऊन ठेपले असून आरोग्य विभागाने नियोजन करावे, अशी मागणी होत आहे.
राष्ट्रवादी बुथबांधणीचे काम सुरू
निहिदा : जलसंपदामंत्री जयंत पाटील यांच्या आदेशानुसार जिल्हाध्यक्ष संग्राम गावंडे यांच्या मार्गदर्शनाखाली बार्शीटाकळी तालुक्यात बुथबांधणीचे काम वेगाने सुरू करण्यात आले आहे. तालुकाध्यक्ष सतीश पाटील गावंडे, सुधीर देशमुख, प्रवीण जैस्वाल, जावेदभाई, धनराज जवके, परिमल लहाने, मुकेश इंगळे आदी बुथबांधणीचे काम करीत आहेत.