फ्रीडम स्कूलच्या विद्यार्थ्यांचे नॅशनल इंडियन टॅलेंट परीक्षेत सुयश

नॅशनल इंडियन टॅलेंट विज्ञान ऑलिम्पियाड या विषयांत वर्ग पाचवीचा विद्यार्थी प्रसाद रवींद्र भगत याने सुवर्णपदक व प्रमाणपत्र प्राप्त करून राज्यात बारावा क्रमांक प्राप्त केला आहे. तसेच पाचवीची विद्यार्थिनी चैताली दिनकर सोनोने, दुसरीची विद्यार्थिनी वेदिका सचिन भगत यांनी इंडियन टॅलेंट ऑलिम्पियाडमध्ये प्रमाणपत्र प्राप्त केले आहे. या यशासाठी फ्रीडम संस्थेचे अध्यक्ष मनोज झाडे यांच्या हस्ते यशस्वी विद्यार्थ्यांचा सत्कार करण्यात आला. विद्यार्थ्यांनी यशाचे श्रेय फ्रीडम संस्थेचे संस्थापक अध्यक्ष मनोज झाडे, शाळा समिती अध्यक्ष प्रवीण झाडे, मुख्याध्यापिका कविता लहाने, पर्यवेक्षक विजय रेवस्कार, तसेच मार्गदर्शिका रेखा आकोटकर, निशा हाडोळे यांना दिले आहे. तसेच शाळेच्या सर्व शिक्षक व शिक्षकेत्तर कर्मचाऱ्यांनी कौतुक केल्याचे प्रसिद्धी पत्रकान्वये कळविले आहे.