अकोला : सिव्हिल लाइन पोलीस स्टेशनच्या हद्दीतील खेडकर नगर येथील संत तुकाराम संकुलमधील चौथ्या माळय़ावर एका ३३ वर्षीय विवाहितेने गळफास घेऊन आत्महत्या केल्याची घटना शनिवारी सकाळी घडली. सदर विवाहितेचे पती अमरावती येथे कामानिमित्त गेले असताना तीन वर्षीय मुलाला जेवण देऊन या महिलेने आतल्या खोलीत गळफास घेतला. मूळचे गांधीग्राम येथील रहिवासी असलेले आनंद म्हैसने हे छायाचित्रणाचा व्यवसाय करतात. शनिवारी सकाळी ते अमरावती येथे गेल्यानंतर त्यांच्या पत्नी सोनू आनंद म्हैसने यांनी सकाळी ११ वाजेच्या सुमारास घराच्या छताच्या पंख्याला गळफास घेऊन आत्महत्या केली. त्यावेळी त्यांचा तीन वर्षीय मुलगा श्रीराज हा घरातच होता. श्रीराजला जेवण दिल्यानंतर कपडे बदलण्याचे कारण सांगून सोनू म्हैसने यांनी आतील खोलीत गळफास लावला. या घटनेची माहिती मिळताच सिव्हिल लाइनचे ठाणेदार अनवर शेख व कर्मचारी दाखल झाले. त्यांनी पंचनामा करून फ्लॅटची झडती घेतली असता ह्यस्युसाइड नोटह्ण आढळली. यामध्ये पती आनंद हा प्रेमळ असल्याचे लिहिण्यात आले असून, मुलाचा सांभाळ करण्याचे सदर विवाहितेने चिठ्ठीत नमूद केले आहे.
विवाहितेची गळफास घेऊन आत्महत्या
By admin | Updated: April 9, 2017 01:32 IST