सोडियम हायपोक्लोराइड द्रावणाची फवारणी करत विषाणू मुक्तीचा यशस्वी प्रयत्न केला गेला अशी माहिती रश्मी देव यांनी दिली. दिवंगत नगरसेविका अ‍ॅड. धनश्री देव यांच्या कोरोना संसर्गातून झालेल्या निधनानंतर प्रभागातील कोणावर ही परिस्थिती ओढावू नये. म्हणून हे स्वच्छता अभियान राबविण्यात आले.
घरात प्रवेश करताना अंगण व रस्त्यावर विषाणू नसावा. रस्त्यावरचा विषाणू घरात जाऊ नये यासाठी प्रभागातील अंतर्गत रस्ते,आंगण आणि सर्व्हिस लाईन्समध्ये ही फवारणी करण्यात आली. स्थानिकांनी या फवारणीचे जोरदार स्वागत व सहकार्य केले. कोरोना विषाणूजन्य आजार असून श्वसन रोग आहे. हा आजार माणसे शिंकली, खोकली तर त्यामुळे उडणाऱ्या तुषारांमुळे पसरतो. वेगवेगळ्या प्रकारच्या पृष्ठभागावर कोरोनाचे विषाणू बराच काळ टिकून राहतात. त्यामुळे अशा दूषित पृष्ठभागाशी थेट संपर्क आल्यास आजार संक्रमित होऊ शकतो. मात्र या विषाणूंचा नायनाट करण्यासाठी रासायनिक जंतुनाशकांचा वापर करणे सर्वात परिणामकारक आहे. या प्रभावी उपायामुळेच सर्वजण संक्रमणापासून दूर राहू शकणार आहेत. रस्त्यांच्या निर्जंतुकीकरणासाठी फवारणी करण्यात आली. सोडियम हायपोक्लोराइड वापरून सार्वजनिक स्थळांचे निर्जंतुकीकरणासाठी प्रयत्न केला जात आहे.
या भागात केले निर्जंतुकीकरण
प्रभाग तीन मधील ज्योतीनगर, प्रसाद कॉलनी, केला प्लॉट, अमृत सोसायटी, बिर्ला ए.बी.सी कॉलनी, गड्डम प्लॉट, न्यू तापडीया नगर, पंचशील नगर, शंकर नगर, गुप्ते रोड, दिवेकर आखाडा, निर्मल नगर, चैतन्य नगर, दुबे वाडी प्रभागातील सर्व मंदिरे, बौद्ध विहार येथे विशेष फवारणी करण्यात आली. आधुनिक पद्धतीने सुमारे तीन हजार घरासमोर ही फवारणी केल्या गेली. नागरिकांनी या फवारणीचे व अभियानाचे स्वागत केल्याची माहिती रश्मी देव यांनी दिली. कोरोना काळात मास्क लावणे, लस घेणे यासाठीची जनजागृती करण्यात येत आहे. जनकल्याणचे काम सुरु राहील असे ही रश्मी देव म्हणाल्या.