जन्मापासूनच होता हृदयविकार
कोरोनामुळे मृत्यू झालेल्या सहा महिन्याच्या त्या चिमुकलीला जन्मापासूनच हृदयविकार असल्याची माहिती सर्वोपचार रुग्णालयातील बालरोगतज्ज्ञांनी दिली. त्या चिमुकलीचे वजनही कमी हाेते. रुग्णालयात दाखल करताना बाळाची प्रकृती चिंताजनक होती.
बालकांमध्ये गंभीर लक्षणे नाहीत
मागील पाच महिन्यात जिल्ह्यात ८०० पेक्षा जास्त बालकांना कोरोनाची लागण झाली आहे. यापैकी बहुतांश बालकांना सौम्य तर काहींना लक्षणेच नसल्याची माहिती बालरोगतज्ज्ञांनी दिली. त्यामुळे पालकांनी घाबरून न जाता बालकांची विशेष काळजी करण्याचे आवाहन आरोग्य विभागातर्फे करण्यात आले आहे.
गुरुवारी रात्री १० वाजताच्या सुमारास ६ महिन्याच्या चिमुकलीला गंभीर अवस्थेत सर्वोपचार रुग्णालयात दाखल करण्यात आले होते. चिमुकलीला जन्मापासूनच हृदयविकार होता. शिवाय वजनही कमी होते. रुग्णालयात दाखल केल्यानंतर कोविड चाचणी केली असता अहवाल पॉझिटिव्ह आला होता. उपचारास प्रतिसाद न दिल्याने रुग्णाचा मृत्यू झाला. नागरिकांनी बालकांची विशेष काळजी घेण्याची गरज आहे. लक्षणे दिसताच डॉक्टरांचा सल्ला घ्या.
- डॉ. विनीत वरठे, बालरोगतज्ज्ञ, जीएमसी, अकोला