स्कूल ऑफ स्कॉलर्सचे हॉकी स्पर्धेवर वर्चस्व

जिल्हास्तरीय शालेय हॉकी स्पर्धेवर स्कूल ऑफ स्कॉलर्सचे वर्चस्व राहिले.

अकोला: जिल्हा क्रीडा अधिकारी कार्यालयाच्या वतीने पोलिस मुख्यालय कवायत मैदानावर आयोजित करण्यात आलेल्या जिल्हास्तरीय शालेय हॉकी स्पर्धेवर स्कूल ऑफ स्कॉलर्सचे वर्चस्व राहिले. शनिवार २३ ऑगस्ट रोजी १७ व १९ वर्षाआतील मुले व मुलींच्या गटातील सामने घेण्यात आले. १७ वर्षाआतील मुलांच्या गटात हिंदू ज्ञानपीठ व स्कूल ऑफ स्कॉलर्स हिंगणा रोड शाखा संघात सामना झाला. हिंदू ज्ञानपीठने हा सामना २-0 ने जिंकला. मुलींच्या गटातील सामना स्कूल ऑफ स्कॉलर्स हिंगणा रोड व स्कूल ऑफ स्कॉलर्स बिर्ला शाखा यांच्यात अंतिम सामना झाला. १-0 ने सामन्यावर हिंगणा शाखेने ताबा घेतला. १९ वर्षाआतील मुलांच्या गटातील सामन्यात शिवाजी कनिष्ठ महाविद्यालयाने ३-0 ने मेहरबानू कनिष्ठ महाविद्यालयावर विजय मिळविला. मुलींच्या गटातील सामना स्कूल ऑफ स्कॉलर्स हिंगणा रोड व नोएल इंग्लिश स्कूलमध्ये होऊन सामना १-0 ने स्कूल ऑफ स्कॉलर्सने जिंकला.स्पर्धा संयोजक क्रीडा अधिकारी संतोष विघ्ने होते. पंच म्हणून मयूर निंबाळकर, स्वप्निल अंभोरे, राजू उगवेकर, अक्षय निंबाळकर, शुभम अढावू, सुनील यादव यांनी काम पाहिले.