कुरूम : नजीकच्या माना जिल्हा परिषद विद्यालयात राष्ट्रीय तंबाखू नियंत्रण कार्यक्रमांतर्गत जनजागृतीपर ‘तंबाखूमुक्त भारत माझे स्वप्न’ या विषयावर निबंध स्पर्धेचे आयोजन तालुका वैद्यकीय अधिकारी यांच्या मार्गदर्शक सूचनेनुसार करण्यात आले होते.
याप्रसंगी कार्यक्रमाचे अध्यक्षस्थानी अजाबराव गुडदे होते, तर प्रमुख अतिथी व मार्गदर्शक म्हणून माना पो. ठाण्याचे ठाणेदार कैलास भगत, विद्यालयाचे मुख्याध्यापक गजानन गिरी, शिक्षक नागसेन गेडाम, सतीश गोकने, संजय अंभोरे, विनोद बापू देशमुख, संजय भेंडकर, आदी मान्यवरांची प्रमुख उपस्थित होती.
गजानन गिरी यांनी प्रास्ताविक केले. यावेळी ठाणेदार कैलास भगत यांनी विद्यार्थ्यांना ‘तंबाखूमुक्त भारत’ करण्याचे आवाहन केले. व्यसनाचे दुष्परिणाम आणि वैयक्तिक सुरक्षा यांविषयी सखोल मार्गदर्शन केले. यावेळी कार्यक्रम कोविड-१९ च्या नियमांचे तंतोतंत पालन करून आयोजित करण्यात आला होता. खंडेराव पांडे यांनी संचालन व आभार केले. कार्यक्रम यशस्वी करण्यासाठी सर्व शिक्षकवृंद, व्यवस्थापन समिती तसेच शिपाई विनोद देशमुख यांनी अथक परिश्रम घेतले.
--------------
गुणवंत विद्यार्थ्यांना बक्षिसांचे वाटप
यावेळी निबंध स्पर्धेत प्रथम क्रमांक प्रिया वाहणे, द्वितीय क्रमांक प्रणिता अवझाडे, तृतीय क्रमांक श्रुतिका गुडदे, चतुर्थ क्रमांक अनिकेत खंडारे व पाचवा क्रमांक अपर्णा चक्रे या विद्यार्थ्यांनी पटकाविला. गुणवंत विद्यार्थ्यांना बक्षीस व प्रोत्साहनपर प्रमाणपत्रांचे वाटप उपस्थित मान्यवरांच्या हस्ते करण्यात आले.