पातूरवासीयांना बाळापूर हे उपविभागीय दर्जा असलेला महसुली गाव आहे. त्याबरोबरच रस्त्यावर अनेक शैक्षणिक संस्था आहेत. शासकीय कार्यालयांमध्ये कर्मचारी दररोज ये-जा करतात; मात्र गेल्या दीड वर्षापासून एसटी महामंडळाच्या दोन्ही बस बंद करण्यात आल्या आहे. त्या अद्यापही सुरू न झाल्याची तक्रार प्रवाशांनी केली. परिणामी, पातूर-बाळापूर महामार्गावर खासगी प्रवासी वाहतूक मोठ्या प्रमाणात फोफावली. सामाजिक अंतराचे भान खासगी प्रवासी वाहनधारकांकडून ठेवले जात नसल्यामुळे कोरोनाचा धोकाही निर्माण झाला आहे.
पातूर-बाळापूर रस्त्यावर डॉ. वंदनाताई ढोणे आयुर्वेद महाविद्यालय पातूर, औद्योगिक प्रशिक्षण संस्था, मिनी एमआयडीसी, महावितरणचे कार्यालय, देऊळगाव, बाबुळगाव, चान्नी फाटा, वाडेगाव, आदी महत्त्वाचे बस थांबे आहे; मात्र या महामार्गावर बस सेवा बंद करण्यात आली असून, ती तातडीने सुरू व्हावी.
- प्रकाश गिरी, प्रवासी