संतोष येलकर/अकोला: विधान परिषदेच्या अकोला-बुलडाणा-वाशिम स्थानिक प्राधिकारी मतदारसंघात काँग्रेस-राष्ट्रवादी काँग्रेस आघाडीच्या तुलनेत शिवसेना -भाजप युतीच्या मतदारांचे संख्याबळ कमी असूनही, निवडणूक निकालात सेनेचे गोपीकिशन बाजोरिया यांनी मुसंडी मारली. त्यामुळे या निवडणुकीत मतांच्या ध्रुवीकरणात पक्ष आणि जातीचे ह्यकार्डह्ण बाद ठरले.विधान परिषदेच्या अकोला-बुलडाणा-वाशिम स्थानिक प्राधिकारी मतदारसंघात तीनही जिल्ह्यातील जिल्हा परिषद सदस्य, पंचायत समित्यांचे सभापती, महानगरपालिका, नगरपालिका व नगरपंचायतीचे नगरसेवक मिळून एकूण ७९१ मतदार आहेत. त्यामध्ये काँग्रेस २५३, राष्ट्रवादी काँग्रेस १२४, शिवसेना १0२, भाजपा १0३, भारिप-बहुजन महासंघ ७९ आणि अपक्ष व स्थानिक आघाडीच्या १३0 मतदारांचा समावेश आहे. मतदारसंघात काँग्रेस -राष्ट्रवादी काँग्रेस आघाडीच्या मतदारांचे संख्याबळ सर्वाधिक ३७७ असून, त्या तुलनेत शिवसेना-भाजप युतीच्या मतदारांचे संख्याबळ २0५ इतके आहे. आघाडीच्या तुलनेत मतदारांचे संख्याबळ कमी असूनही, शिवसेना-भाजप युतीचे आ. बाजोरिया यांनी ५१३ मते मिळवित विजयाची ह्यहॅट्ट्रिकह्ण केली. तर मतदारसंघात सर्वाधिक मतदारांची संख्या असलेल्या काँग्रेस-राष्ट्रवादी काँग्रेसचे रवींद्र सपकाळ यांना केवळ २३९ मते मिळाल्याने, त्यांना दारुण पराभवाला सामोरे जावे लागले. सेनेच्या बाजोरिया व राष्ट्रवादी काँग्रेसचे सपकाळ यांना मिळालेली मते लक्षात घेता, या निवडणुकीत पक्ष आणि जातीचे ह्यकार्डह्ण वापरून मते मिळविण्याची राजकीय मोर्चेबांधणी निष्प्रभ ठरली. तसेच शिवसेना -भाजप युतीसह विविध राजकीय पक्षांच्या मतदारांची साथ मिळाल्याने, मतांच्या ध्रुवीकरणात सेनेने मुसंडी मारल्याचे चित्र बुधवारी जाहीर झालेल्या निवडणूक निकालात स्पष्ट झाले.'मराठा कार्ड'चा बोलबाला विरला हवेत!विधान परिषदेच्या अकोला-बुलडाणा-वाशिम स्थानिक प्राधिकारी मतदारसंघाच्या निवडणूक प्रचारादरम्यान, ह्यमराठा कार्डह्ण चा बोलबाला होता. या निवडणुकीत ह्यमराठा कार्डह्ण चालणार असून, त्याचा लाभ काँग्रेस-राष्ट्रवादी काँग्रेस आघाडीच्या उमेदवाराला होणार असल्याची चर्चा रंगत होती. प्रत्यक्षात निवडणूक निकालात शिवसेनेचे आ. बाजोरिया यांनी २७४ मतांची आघाडी घेऊन, विजय मिळविल्याने, निवडणुकीतील 'मराठा कार्ड'चा बोलबाला हवेतच विरल्याचे चित्र स्पष्ट झाले.
पक्ष, जातीचे ‘कार्ड’ बाद!
By admin | Updated: January 2, 2016 08:36 IST