कु-हाडीने वार करून युवकाची हत्या

शिवसेना वसाहतमधील घटना, किरकोळ वादातून आठवड्यात दुसरी हत्या.

अकोला: शिवसेना वसाहतीतील कैलास पांडुरंग सातपुते या ३१ वर्षीय युवकावर कुर्‍हाडीने हल्ला चढवित त्याला जखमी केल्याची घटना शनिवारी मध्यरात्री घडली. या युवकाचा रविवारी उपचारादरम्यान मृत्यू झाल्याने जुने शहर पोलिसांनी दोघांविरुद्ध हत्येचा गुन्हा दाखल केला. कैलास सातपुते याच्याशी जनार्दन माळी यांचा शनिवारी रात्री ८ वाजताच्या सुमारास वाद झाला. या वादातून कैलासने माळी यांना मारहाण केली. त्यानंतर प्रकरणात समेट झाला; मात्र शनिवारी रात्री १ वाजताच्या सुमारास जनार्दन माळी यांचा मुलगा रवींद्र व विठ्ठल सुभाष काळे हे दोघे कैलासच्या शिवसेना वसाहतमधील निवासस्थानी गेले. यावेळी कैलास सातपुते आणि रवींद्र माळी व विठ्ठल काळे यांच्यात पुन्हा वाद झाला. या वादातूनच रवींद्र माळी व विठ्ठल काळे या दोघांनी कैलास सातपुते यांच्यावर कुर्‍हाडीने जोरदार हल्ला चढविला. या हल्ल्यात गंभीर जखमी झालेल्या कैलासला ता तडीने सवरेपचार रुग्णालयात दाखल करण्यात आले, मात्र प्रकृती आणखी बिघडल्याने त्यांना तातडीने खासगी रुग्णालयात हलविण्यात आले. शनिवारी मध्यरात्रीच कैलास सातपुते याच्यावर तातडीने उपचार सुरू करण्यात आले, मात्र डो क्यावर गंभीर इजा असल्याने त्यांचा रविवारी सकाळी मृत्यू झाला. या प्रकरणी कैलास सातपुते याचे वडील पांडुरंग उकर्डा सातपुते यांनी जुने शहर पोलीस ठाण्यात दिलेल्या तक्रारीवरून पोलिसांनी रवींद्र जनार्दन माळी व विठ्ठल सुभाष काळे या दोघांविरुद्ध भारतीय दंड विधानाच्या कलम ३0७, ४४९, ३४ व ३0२ नुसार खुनाचा गुन्हा दाखल केला आहे. या खून प्रकरणातील दोन्ही आरोपींना जुने शहर पोलिसांनी संशयावरून व मिळालेल्या ठोस पुराव्यावरून अटक केली असून, त्यांना सोमवारी न्यायालयासमोर हजर करण्यात येणार आहे.