सेवा सहकारी संस्थेच्या माध्यमातून शेतकऱ्यांचे हित : खारोडे

तालुक्यातील उकळी बाजार येथील सेवा सहकारी संस्थेच्या नवीन कार्यालय व गोडाऊनचे काम नुकतेच पूर्ण झाले. त्या नवीन इमारतीचा लोकार्पण सोहळा रविवारी, १५ ऑगस्ट रोजी स्वातंत्र्यदिनी उत्साहात पार पडला. यावेळी अकोला जिल्हा मध्यवर्ती सहकारी बँकेच्या संचालिका रूपालीताई संदीपराव खारोडे यांच्या हस्ते उद्घाटन करण्यात आले. अध्यक्ष म्हणून तेल्हारा कृषी उत्पन्न बाजार समितीचे सभापती पुरुषोत्तम पाथ्रीकर, तर प्रमुख अतिथी म्हणून जिल्हा परिषदेच्या माजी सदस्य नयनाताई मनतकार, सहकारी जिनिंगचे माजी अध्यक्ष शांताराम काळे, बाजार समितीचे माजी सभापती संदीप खारोडे, सेवा सहकारी सोसायटीचे माजी अध्यक्ष दामोदर मार्के, उकळी बाजारचे उपसरपंच शिवहरी काळे यांची प्रमुख उपस्थिती होती. अध्यक्ष भाषणातून गावागावातील सेवा सहकारी संस्थांना जेवढी बळकटी मिळेल तेवढे शेतकऱ्यांचे आर्थिक हित जपता येईल, असा विश्वास सभापती पुरुषोत्तम पाथ्रीकर यांनी व्यक्त केला. तसेच मंचावरील उपस्थित नयनाताई मनतकार, शांताराम काळे दामोदर मार्के, शिवहरी काळे, भास्करराव मार्के, संदीप पाटील खारोडे आदींनी मनोगत व्यक्त केले. यावेळी संस्थेचे सचिव डी. जी. गायगोळ यांचाही सत्कार करण्यात आला. कार्यक्रमाला संस्थेचे अध्यक्ष सुरेशराव ताथोड, विश्वासराव मार्के, प्रकाशराव कोकाटे, गजानन काळे, कुलदीप राऊत, श्रीकृष्ण वैतकार, रेखाताई घुंगड, प्रदीप ताथोड यांच्यासह आदींची उपस्थिती होती. प्रास्ताविक श्रीकृष्ण वैतकार यांनी, तर संचालन बँकेचे प्रभारी वरिष्ठ निरीक्षक जी. टी. देऊळकर यांनी केले, तर आभार प्रदर्शन निरीक्षक स्वप्निल कराळे यांनी केले. संस्थेचे सचिव डी. जी. गायगोळ, कार्यालयीन सचिव ए. एस. ताथोड, निरीक्षक ए. एम. वानखडे, पी. एस. देशमुख, एम.एम. वानखडे सर्व गटसचिव व सहकार क्षेत्रातील मान्यवर उपस्थित होते.