शेकडो लिटर दुधाचा अपव्यय!

शासकीय दूध योजनेतील पाकीट बंद करणारे यंत्र निकामी, वितरकांना भुर्दंंड.

अकोला : येथील शासकीय दूध योजनेत दूध पिशवीत टाकून बंद करणारे यंत्र बिघडल्याने दूध योजनेत शेकडो लिटर दुधाचा अपव्यय होत असून, शासकीय दूध वितरकाकडे दिलेल्या पिशव्या फुटत असल्याने त्यांना दररोज याचा आर्थिक भुर्दंंड सहन करावा लागत आहे. अकोला जिल्ह्याला दररोज तीन लाख लिटरपेक्षा अधिक दुधाची आवश्यकता आहे; परंतु तेवढे दुधाचे उत् पादन येथे होत नसल्यामुळे इतर जिल्ह्यांतील खासगी कंपन्यांचे दूध या जिल्ह्यात विकले जात आहे. येथे शासकीय दूध योजना आहे. या योजनेतून शुद्ध दुधाचा पुरवठा शहराला केला जातो; परंतु विदर्भातच नव्हे, तर राज्यात नावाजलेल्या अकोला येथील शासकीय दूध योजनेचे तीनतेरा वाजले असून, या योजनेला सुरुवात झाली तेव्हापासूनच्या कालबाह्य यंत्रांद्वारे येथे दुधावर प्रक्रिया करू न पिशवीबंद केले जात आहे. शासकीय दूध योजनेतील दूध शुद्ध असल्याने त्याला मागणी भरपूर आहे; परंतु या योजनेला मिळणार्‍या दुधाचा पुरवठा अल्प असल्याने या मोजक्याच दुधावर येथे प्रक्रिया करू न विक्री केली जात आहे. योजनेची सर्व यंत्रे व यंत्रणाच मोडकळीस आली असून, कालबाह्य यंत्रांद्वारे चालढकल सुरू आहे. येथे येणार्‍या दुधावर प्रक्रिया केल्यानंतर दुधाच्या पिशव्या सीलबंद केल्या जातात; परंतु ज्या यंत्रात या पिशव्या बंद केल्या जातात, ते यंत्र बिघडले आहे. त्यामुळे या ठिकाणी शेकडो लिटर दुधाचा अपव्यय होत असून, शासकीय दूधविक्रेते ज्या पिशव्या विक्रीसाठी नेतात, त्यातील २५ ते ३0 पिशव्यांतून दूध बाहेर पडत असल्याने शासकीय दूधविक्रेत्यांचे आर्थिक नुकसान होत आहे. सतत आठ दिवसांपासून हा प्रकार सुरू असल्याने शहरातील दूधविक्रेत्यांनी गुरुवार, १९ नोव्हेंबर रोजी सकाळी ५ वाजता ही बाब शासकीय दूध योजनेच्या अधिकार्‍यांच्या लक्षात आणून दिली.