पिकाला पाणी देताना शेतक-याचा विजेचा धक्का लागून मृत्यू

मालेगाव तालुक्यातील खडकी इजारा येथील घटना.

मालेगाव (वाशिम): पिकांना पाणी देत असताना विजेचा धक्का लागून एका तरूण शेतकर्‍याचा मृत्यू झाल्याची घटना मालेगाव तालुक्यात ८ सप्टेंबर रोजी उघडकीस आली. खडकी इजारा येथील शेतकरी विष्णू सखाराम काकडे (वय २७) त्याच्या शेतात सोयाबीनला पाणी देण्यासाठी गेला असता विजेचा धक्का लागून त्याचा मृत्यू झाला. ८ सप्टेंबर रोजी सकाळी ८.३0 वाजता त्याचे वडिल शेतात गेले असता त्यांना ही बाब समजली. मालेगाव पोलिसांनी याप्रकरणी आकस्मिक मृत्यूची नोंद केली असून, पुढील तपास सुरू आहे.