डॉक्टर्स घेणार शेतकरी कुटुंब दत्तक!

१२५ डॉक्टर्स एकवटले; सरकारी रुग्णालयांत शेतकर्‍यांसाठी स्वतंत्र कक्ष, खासगी देयकात सवलत.

संतोष वानखडे / वाशिम: शेतकरी कुटुंबीयांना मानसिक आधार देण्याबरोबरच त्यांच्या आरोग्यविषयक खर्चाचा भार उचलण्यासाठी वाशिम शहरातील डॉक्टर्सने ह्यशे तकरी कुटुंब दत्तकह्ण ही संकल्पना प्रत्यक्षात साकारली आहे. या संकल्पनेत पहिल्या टप्प्यात शहरातील जवळपास १२५ ते १४0 डॉक्टर्स सहभागी होणार आहेत. वाशिम जिल्हय़ात निसर्गाच्या भरोशावर सर्वाधिक शेती आहे. गत तीन-चार वर्षांंपासून निसर्गाची साथ मिळत नसल्याने ह्यबळीराजाह्ण धास्तावला आहे. शेतीत केलेली गुं तवणूकही अनेकवेळा वसूल होत नसल्याने शेतकर्‍यांच्या सातबार्‍यावर कर्जाचा बोजा चढत आहे. ह्यकर्जाची परतफेड, कुटुंबाचा उदरनिर्वाह व मुला-मुलींचे लग्नह्ण या विवंचनेत सापडणारे शेतकरी मृत्यूला कवटाळत आहेत. शेतकर्‍यांना निराशेच्या गर्ते तून बाहेर काढण्यासाठी कृषी विभाग व जिल्हा प्रशासनाने ह्यअन्नदाता प्रबोधन संकल्पह्ण सुरू केला आहे. या संकल्पापासून प्रेरणा घेऊन वाशिम येथील डॉक्टर मंडळीदेखील शेतकर्‍यांच्या मदतीसाठी पुढे आली आहे. जिल्हा सामान्य रुग्णालयाच्या शल्य चिकित्सक डॉ. सुरेखा मेंढे यांच्या मार्गदर्शनात डॉ. अनिल कावरखे यांनी या कामी पुढाकार घेतला. सरकारी रुग्णालयांत समुपदेशन केंद्र व अन्य उपक्रम सुरू केले जातील. सरकारी रुग्णालयांच्या डॉक्टरांच्या आवाहनाला दाद देऊन खासगी डॉ क्टरही या मदतकार्यात पुढे आल्याचे डॉ. प्रमोद कुमरे, डॉ. प्रवीण ठाकरे, डॉ. अरुण बिबेकर, डॉ. शिवाजी सावळे, डॉ. सिद्धार्थ देवळे यांनी सांगितले.