अकोला - शहरात प्रचंड धुडगूस घालणार्‍या अल्पवयीन दुचाकीस्वारांवर जिल्हाधिकारी जी. श्रीकांत यांनी गुरुवारी कारवाई केली. दुचाकीवर असलेल्या अल्पवयीन मुलींना रोखून त्यांनी कारवाई केली. मात्र, जे जिल्हाधिकारी जी. श्रीकांत यांना दिसले ते जिल्हा वाहतूक शाखेच्या अधिकारी-कर्मचार्‍यांना रोज का दिसत नाही, असा सवाल उपस्थित केला जात आहे. अल्पवयीन दुचाकीस्वार शहर वाहतूक शाखेसाठी १00 ते २00 रुपये देणारी ह्यकोंबडीह्ण असल्याचा गंभीर आरोपही काही नागरिकांनी जिल्हाधिकारी यांच्या कारवाईनंतर केला. शहरासह जिल्हय़ात अल्पवयीन दुचाकीस्वारांनी प्रचंड धुडगूस घातला आहे. त्यांच्या बेताल दुचाकी चालविण्यामुळे अपघातांचे प्रमाण वाढले. मात्र, त्यांच्यावर कठोर कारवाई करण्यात येत नाही. आठवी ते दहावीचे विद्यार्थी सर्रास दुचाकी घेऊन शहरात वावरत आहेत. जिल्हा वाहतूक शाखेचे कार्यालय असलेल्या रोडवरूनच भरधाव जाणार्‍या अल्पवयीन दुचाकीस्वारांची संख्या प्रचंड आहे. मात्र, त्यांच्यावर कारवाई का करण्यात येत नाही, असा सवाल जिल्हाधिकारी जी. श्रीकांत यांच्या कारवाईनंतर उपस्थित होत आहे. जिल्हाधिकारी जी. श्रीकांत यांनी गुरुवारी सकाळीच दुचाकीवर जाणार्‍या दोन अल्पवयीन मुलींना रोखून त्यांचे ड्रायव्हिंग लायसन्स, हेल्मेट व दुचाकीचे कागदपत्रं मागितले. मात्र, दोन्ही मुलींकडे यामधील एकही दस्तऐवज नसल्याने त्यांनी मुलींच्या पालकांशी संपर्क साधून त्यांना या गैरप्रकारासंदर्भात विचारणा केली. जिल्हा वाहतूक शाखेचे पोलीस अधिकारी व कर्मचारी दिवसभर शासनाच्या वाहनामध्ये बसून फिरतात. मात्र, अल्पवयीन दुचाकीस्वार, रॉकेलमि२िँं१्रूँं१त पेट्रोल टाकणारे ऑटो व ट्रीपलसीट दुचाकीवर कारवाई करीत नसल्याने आश्‍चर्य व्यक्त करण्यात येते.
*जिल्हाधिका-यांनी घेतली फिरकी!
जिल्हाधिकारी जी. श्रीकांत यांनी अग्रवाल व लोहिया नामक अल्पवयीन मुलीवर दुचाकी चालविल्यामुळे कारवाई केली. त्यानंतर त्यांच्या पालकांशी संपर्क साधून मुलीचा अपघात झाल्याचे सांगितले. काही वेळ पालकांची फिरकी घेतल्यानंतर मुलगी सुरक्षित असल्याचे जिल्हाधिकारी यांनी त्यांच्या पालकांना सांगितले. मात्र, मुलगी अल्पवयीन असताना तिच्याकडे दुचाकी दिलीच कशी, असा सवाल उपस्थित करून यापुढे दुचाकी न देण्याचे निर्देश दिले.