पर्समधील रोकड पळविली!

अकोला मध्यवर्ती बसस्थानकावर एसटी बसमध्ये चढताना महिलेची रोकड लंपास.

अकोला: मध्यवर्ती बसस्थानकावर एसटी बसमध्ये चढत असताना एका महिलेच्या पर्समधील सुमारे ९ हजार रुपयांची रोकड अज्ञात चोरट्यांनी लंपास केल्याची घटना गुरुवारी सायंकाळी घडली. अमरावती जिल्हय़ातील दर्यापूर येथील रहिवासी कांचन अनिल कदम ही महिला अमरावती बसमध्ये चढत असताना या महिलेच्या पर्सला चिरा देऊन त्यामधील ९ हजार रुपयांची रोख अज्ञात चोरट्यांनी लंपास केली. महिला प्रवास करीत असताना टिकीट काढण्यासाठी त्यांनी पर्समधील रक्कम बघितली असता ती लंपास केल्याचे त्यांच्या निदर्शनास आले. त्यानंतर महिलेने बसमधून उतरून या प्रकरणाची तक्रार सिव्हिल लाइन्स पोलीस स्टेशनमध्ये दिली.