अकोला : जिल्ह्यात कोरोनाचा कहर सुरूच आहे. बुधवार, १० मार्च रोजी आणखी दोघांचा मृत्यू झाल्याने एकूण कोरोनाबळींचा आकडा ३९१ झाला आहे. आररटीपीसीआर चाचण्यांमध्ये ३०५, तर रॅपिड ॲन्टिजेन चाचण्यांमध्ये ८६ अशा एकूण ३९१ पॉझिटिव्ह रुग्णांची नोंद झाली. त्यामुळे एकूण बाधितांची संख्या १९,८९१ वर पोहोचली आहे.
शासकीय वैद्यकीय महाविद्यालयाच्या व्हीआरडीएल लॅबकडून बुधवारी आरटीपीसीआर चाचण्यांचे १,९५१ अहवाल प्राप्त झाले. यापैकी ३०५ जणांचे अहवाल पॉझिटिव्ह असून, उर्वरित १,६४६ अहवाल निगेटिव्ह आहेत. सकाळी पॉझिटिव्ह अहवाल आलेल्यांमध्ये मोठी उमरी येथील २५, सावरा येथील १३, डाबकी रोड येथील १२, रामदास पेठ, मलकापूर, व्हीएचबी कॉलनी येथील प्रत्येकी आठ, जीएमसी, बाळापूर, मूर्तिजापूर, गौरक्षण रोड, शास्त्री नगर येथील प्रत्येकी सात, कौलखेड व सिंधी कॅम्प येथील प्रत्येकी सहा, लहान उमरी, हरीहर पेठ, रामनगर, अमाखा प्लॉट व खडकी येथील प्रत्येकी पाच, विद्या नगर, कीर्ती नगर, शिवणी, खदान, रजपूतपुरा, पळसो बढे व नेवारे नगर येथील प्रत्येकी चार, बालाजी नगर, हिंगणा, रतनलाल प्लॉट, शारदा नगर, खेडकर नगर, आदर्श कॉलनी, जामकी, महसूल कॉलनी व टेलिफोन कॉलनी येथील प्रत्येकी तीन, न्यू राधाकिशन प्लॉट, भिरडवाडी, खोलेश्वर, सांगळूद, हातगाव, शंकर नगर, गीता नगर व गोपालखेड येथील प्रत्येकी दोन, पंचशील नगर, नगर परिषद कॉलनी, बटवाडी, कोठारी वाटिका, संतोष नगर, महाकाली नगर, खंडाळा, चांदूर, जुनी वस्ती, वरुड, गजानन नगर, सोनोरी, सस्ती वाडेगाव, वनी रंभापूर, पोलीस हेडक्वॉटर, तेल्हारा, बैदपुरा, अकोट फैल येथील प्रत्येकी एकाचा समावेश आहे.
सायंकाळी तेल्हारा येथील दहा, जीएमसी व हिवरखेड येथील प्रत्येकी सहा, केडिया प्लॉट येथील चार, डाबकी रोड, तापडिया नगर व मोठी उमरी येथील प्रत्येकी तीन, खोलेश्वर, अनीकट, शास्त्रीनगर, खदान, रामदासपेठ, केशवनगर, थार व कारला येथील प्रत्येकी दोन, किर्ती नगर, अकोट फाइल, पोळा चौक, मोहम्मद अली चौक, पंचशील नगर, बाळापूर नाका, सुधीर कॉलनी, चांदुर ,भिमनगर, केला प्लॉट, सल्पी, कोठारी बाजार, गुरुदेव नगर ,महाकाली नगर ,रजपुतपुरा, रतनलाल प्लॉट, भांबेरी, शिवर व शिवणी येथील प्रत्येकी एकाचा अहवाल पॉझिटिव्ह आला.
महिला व पुरुषाचा मृत्यू
रेणूका नगर, अकोला येथील ५५ वर्षीय पुरुष व महसूल कॉलनी, अकोला येथील ७६ वर्षीय महिला अशा दोन कोरोनाबाधित रुग्णांचा बुधवारी मृत्यू झाला. या दोघांनाही अनुक्रमे १ व ५ मार्च रोजी रुग्णालयांत दाखल करण्यात आले होते.
३२१ जणांना डिस्चार्ज
शासकीय वैद्यकीय महाविद्यालय येथून ५५, युनिक हॉस्पीटल येथून दोन, नवजीवन हॉस्पीटल येथून चार, ग्रामीण आरोग्य बार्शीटाकली येथून एक, आयकॉन हॉस्पीटल येथून १०, बिहाडे हॉस्पीटल येथून सहा, अवघाते हॉस्पीटल येथून एक, स्कायलार्क हॉटेल येथून ११, सुर्यचंद्र हॉस्पिटल येथून एक, बॉईज होस्टेल अकोला येथून १२, सहारा हॉस्पिटल येथून दोन, आधार हॉस्पीटल मूर्तिजापूर येथून चार, ओझोन हॉस्पीटल येथून तीन, कोविड केअर सेंटर बाळापूर येथून एक, उपजिल्हा आरोग्य मूर्तिजापूर येथून एक, कोविड केअर सेंटर तेल्हारा येथून तीन, कोविड केअर सेंटर अकोट येथून एक, हॉटेल रिजेन्सी येथुन तीन, तर होम आयसोलेशन येथून २०० अशा एकूण ३२१ जणांना बुधवारी डिस्चार्ज देण्यात आला.
४,८३७ ॲक्टिव्ह पॉझिटिव्ह
जिल्ह्यात आतापर्यंत एकूण १९,८९१ जणांना कोरोनाची लागण झाली असून, त्यापैकी तब्बल १४,६६३ रुग्णांनी कोरोनावर मात केल्याने त्यांना डिस्चार्ज देण्यात आला आहे. आतापर्यंत ३९१ जणांचा मृत्यू झाला असून, सद्य:स्थितीत ४,८३७ ॲक्टिव्ह रुग्ण आहेत.