------------------------------------
घुसर-म्हैसांग मार्गावर गतिरोधकाची मागणी
म्हातोडी: घुसर ते म्हैसांग मार्गावर वाहनांची मोठी वर्दळ असते, परंतु बऱ्याच ठिकाणी गतिरोधक नसल्याने अपघाताच्या घटना घडत आहेत. संभाव्य धोका टाळण्यासाठी गतिरोधक निर्माण करण्याची मागणी नागरिकांनी केली.
---------------------------------------
मोकाट कुत्र्यांमुळे नागरिक त्रस्त
अकोट: मागील काही दिवसांपासून शहरात मोकाट कुत्र्यांचा हैदोस वाढला आहे. त्यामुळे नागरिकांना, लहान मुलांना रस्ता पार करताना अडचण जात आहे. कुत्र्यांच्या बंदोबस्त करावा, अशी मागणी नागरिकांकडून केली जात आहे.
=---------------------------------------
गावरान आमराई दिसेना; आंबाही दुर्मीळ
मूर्तिजापूर : गावखेड्यात पूर्वीच्या काळात हिरवीगार डहाळीने आकर्षित करत असलेली गावरान आंब्यांच्या आमराया आता दुर्मीळ झाल्या आहेत. संगोपनाऐवजी जुन्या हिरवेगार आम्रवृक्षावर कुऱ्हाडीचे घाव बसत असल्याने गावरान आंबा हद्दपार होण्याच्या मार्गावर आहे.
----------------------------------
गावे हागणदारीमुक्त कागदावरच!
तेल्हारा: गावे हागणदारीमुक्त करण्याचा शासनाने ध्यास घेतला. याकरिता ग्रामपंचायतीही सरसावल्या. पुरस्कार मिळविले. मात्र, अनेक ग्रामपंचायती कागदावरच हागणदारीमुक्त आहे. खेड्यात शौचालय बांधण्यात आले. मात्र, त्याचा वापर होत नाही.
---------------------------------------------
----------------------------------------------
नियमबाह्य वाहतूक ठरतेय धोक्याची
बाळापूर : नियमबाह्य व विनापरवाना अल्पवयीन वाहन चालक मोठ्या प्रमाणात वाहन चालवित आहे. यामुळे अपघाताची शक्यता बळावली आहे. याकडे वाहतूक विभागाने लक्ष देऊन कारवाई करण्याची मागणी होत आहे.
----------------------------------------