शहरातील सेवानिवृत्त विशेष शिक्षिका गौकर्णा दादाराव पुंडकर (६५) यांचे ११ डिसेंबर रोजी निधन झाले. या निधनाची माहिती अकोला येथे उपचार घेत असलेले पती दादाराव खब्दुरजी पुंडकर (७८) यांना समजली. त्यानंतर पत्नीचे पाठोपाठ १२ डिसेंबर रोजी सकाळी पतीने देह सोडल्याची घटना घडली. ते सार्वजनिक बांधकाम विभागातून सेवानिवृत झाले होते.
विशेष म्हणजे या पती-पत्नीने मागच्या महिन्यात दुचाकीवरून ७००-८०० किमी प्रवास करीत जवळच्या नातेवाइकांच्या भेटी घेतल्या होत्या. या दोंघा पती-पत्नीच्या मृतदेहावर अकोला येथील स्मशानभूमीत अंत्यसंस्कार करण्यात आले. त्यांच्या पश्चात दोन मुलगे, मुलगी, सुना, नातवंडे असा बराच मोठा आप्त परिवार आहे. ते जिल्हा परिषद प्राथमिक मराठी शाळा, अकोलखेड येथील सहायक शिक्षक विक्रम पुंडकर व तेल्हारा येथे कार्यरत पोलीस हेड कॉन्स्टेबल जगदीश पुंडकर यांचे आई-वडील होते.