सोनटक्के प्लॉट तसेच जय राम सिंग प्लॉटमधून ८ जुगारी अटकेत

पोलीस अधीक्षक अकोला यांच्या विशेष पथकाने सोनटक्के प्लॉट येथील जुगारावर धाड टाकून नरेंद्र साहेबराव महल्ले वय ५४ वर्षे रा. लोकमान्य नगर, शेख असिफ शेख युसूफ वय ४४ वर्ष रा. सोनटक्के प्लॉट, शेख सलीम शेख गुलाब वय ४७ वर्ष रा. सोनटक्के प्लॉट, शेख शकील शेख हकीम वय ३८ वर्ष रा. सोनटक्के प्लॉट यांना ताब्यात घेतले. त्यांच्याकडून ५ हजार रुपयांचा मुद्देमाल जप्त करण्यात आला आहे. त्यानंतर विशेष पथकाने जयरामसिंग प्लॉट येथे सुरू असलेल्या जुगारावर धाड टाकून राजकुमार रामदास यादव वय ३६ वर्षे जयरामसिंग प्लॉट, अरुण भीमराव इंगोले वय ६० वर्षे शिवसेना वसाहत, प्रकाश पांडुरंग बेतवर वय ४६ वर्ष रा. दसेरा नगर, अमोल अजाबराव उन्हाळे वय ३६ वर्षे रा. जुने शहर यांना ताब्यात घेऊन त्यांच्याकडून जुगार साहित्य जप्त केले. ही कारवाई पोलीस अधीक्षक जी. श्रीधर, अतिरिक्त पोलीस अधीक्षक मोनिका राऊत यांच्या मार्गदर्शनाखाली विशेष पथकाचे प्रमुख विलास रमेश पाटील यांनी व त्यांच्या पथकाने केली आहे.