जिल्हा परिषदेत असा झाला महाआघाडीचा पॅटर्न यशस्वी

साहेबराव नरसाळे । लोकमत न्यूज नेटवर्क अहमदनगर : राज्यातील महाविकास आघाडीचा पॅटर्न नगर जिल्हा परिषदेतही यशस्वी झाला़ जिल्ह्याच्या राजकारणातील दिग्गज नेते आमदार राधाकृष्ण विखे, राम शिंदे, शिवाजी कर्डिले यांना जोरदार झटका देत राष्ट्रवादीच्या राजश्री घुले अध्यक्षपदी तरी काँगे्रसचे प्रताप शेळके उपाध्यक्षपदी विराजमान झाले़ निवडणूक लढविण्यासाठी पुरेसे संख्याबळ नसल्याने भाजपने ऐनवेळी निवडणुकीत माघार घेतली़ त्यामुळे घुले, शेळके यांच्या बिनविरोध निवडी झाल्या़ जिल्हा परिषदेच्या पदाधिकाºयांचा वाढीव कार्यकाळ संपल्यामुळे ३१ डिसेंबर रोजी अध्यक्ष, उपाध्यक्ष निवडीचा कार्यक्रम घोषित करण्यात आला होता़ अध्यक्ष पदाचे आरक्षण जाहीर झाल्यापासूनच राष्ट्रवादीकडून अध्यक्षपदासाठी जोरदार तयारी सुरु झाली होती़ दरम्यान राज्यात महाविकास आघाडीचे सरकार स्थापन झाल्यानंतर नगर जिल्हा परिषदेतही महाविकास आघाडीचीच सत्ता स्थापन करण्याचे आदेश वरिष्ठ पातळीवरुन देण्यात आले होते़ त्यानुसार राष्ट्रवादी, काँगे्रस, शिवसेना, शेतकरी क्रांतीकारी पक्ष यांनी एकत्र येऊन सत्ता स्थापन करण्यासाठी आवश्यक संख्याबळ जुळविण्याचा चंग बांधला़ महाविकास आघाडीकडे ५० पेक्षा जास्त संख्याबळ झाले़ तसेच काँगे्रसमधील विखे गटही कोंडीत पकडण्यात महाविकास आघाडीला यश आले़ त्यामुळे भाजपकडे फक्त १३ सदस्यच उरले होते़ या १३ सदस्यांच्या जोरावर भाजप निवडणुकीच्या आखाड्यात उतरली़ मंगळवारी (दि़३१) सकाळी राष्ट्रवादीची बैठक होऊन त्यात अध्यक्षपदासाठी घुले व उपाध्यक्ष पदासाठी शेळके यांची उमेदवार जाहीर करण्यात आली़ घुले यांच्या अर्जावर गटनेते कैलास वाकचौरे यांनी सूचक म्हणून सही केली़ तर प्रताप शेळके यांचे सूचक अनिता हराळ या होत्या़ घुले व शेळके यांनी पावणेबारा वाजता उमेदवारी अर्ज दाखल केले़ मात्र, तरीही भाजपचे उमेदवार निश्चित नव्हते़ अर्ज भरण्यासाठी एक वाजेपर्यंत मुदत होती़ १२ वाजून ४५ मिनिटांनी भाजपचे गटनेते जालिंदर वाकचौरे यांच्यासह अध्यक्षपदाच्या उमेदवार सुनीता खेडकर व उपाध्यक्षपदाच्या उमेदवार संध्या खेडकर यांनी अर्ज दाखल केला़ खेडकर यांच्या अर्जावर सुचक म्हणून गटनेते जालिंदर वाकचौरे तर आठरे यांच्या अर्जावर सोमनाथ पाचारणे यांची सही होती़ तीन वाजता अध्यक्ष व उपाध्यक्ष निवडीसाठी विशेष सभा सुरु करण्यात आली़ या सभेला महाविकास आघाडीच्या सर्व सदस्य उपस्थित राहिले़ मात्र, भाजपचे चार सदस्य गैरहजर होते़ प्रारंभी अध्यक्षपदाची निवड प्रक्रिया सुरु झाली़ पीठासन अधिकारी पाटील यांनी अर्ज माघारीसाठी १५ मिनिटांचा वेळ दिला़ ३ वाजून २१ मिनिटांनी खेडकर यांनी अर्ज मागे घेतला़ त्यामुळे घुले यांची बिनविरोध निवड जाहीर करण्यात आली़ त्यानंतर उपाध्यक्षपदासाठी निवड प्रक्रिया सुरु करण्यात आली़ पीठासन अधिकाºयांनी माघारीसाठी वेळ निश्चित करताच आठरे यांनी माघार घेतली़ त्यामुळे उपाध्यक्षपदाची निवडही बिनविरोध झाली़ पीठासन अधिकारी उर्मिला पाटील यांनी अध्यक्षपदी घुले व उपाध्यक्षपदी शेळके यांच्या बिनविरोध निवडी घोषित केल्या़ माजी अध्यक्षा शालिनी विखे यांनी नूतन अध्यक्ष व उपाध्यक्षांचा सत्कार केला़