घुटेवाडी, कोरेगाव येथे २२० ज्येष्ठांचे लसीकरण

घुटेवाडी हे डोंगरदऱ्यांत वसलेले लहान गाव असताना तेथे कोरोनाने मोठ्या प्रमाणात शिरकाव केला होता. त्या ठिकाणच्या वयोवृद्ध लोकांना लसीकरणासाठी कोळगाव येथे जाणे अवघड असल्याने या ठिकाणी लसीकरण मोहीम राबविण्यात यावी, अशी नागरिकांची मागणी होती. आरोग्य विभागाने गुरुवारी घुटेवाडी व कोरेगाव येथे लसीकरण मोहीम राबवली. यावेळी कोरेगाव व घुटेवाडी येथे प्रत्येकी ११० प्रमाणे २२० ज्येष्ठ नागरिकांचे लसीकरण करण्यात आले. तालुका आरोग्य अधिकारी डॉ. नितीन खामकर यांच्या मार्गदर्शनाखाली कोळगाव प्राथमिक आरोग्य केंद्राचे आरोग्य अधिकारी डॉ. अमोल अडसुरे यांनी घुटेवाडी येथे, तर द्वितीय आरोग्य अधिकारी डॉ. प्राजक्ता निमसे यांनी कोरेगाव येथे लसीकरण केले. त्यांना डॉ. स्मिता शिंदे, वैशाली देशमुख, श्रीखंडे, गाडेकर, परिचारिका खांदवे यांनी साहाय्य केले.