--------
ऑनलाईन मतदानाची चाचणी
अहमदनगर : महापौर व उपमहापौर निवडणुकीसाठी बुधवारी ऑनलाईन सभा होत आहे. ही निवडणूक बिनविरोध होणार असली तरी प्रशासनाने मात्र मतदानाची तयारी केली आहे. ऑनलाईन मतदानाची चाचणी मंगळवारी संगणक विभागाकडून घेण्यात आली.
.....
मनपा इमारतीवर विद्युत रोषणाई
अहमदनगर : महापालिकेचा ३० जून रोजी वर्धापन दिन आहे. वर्धापन दिनानिमत्त महापालिकेच्या औरंगाबाद रोडवरील प्रशासकीय इमारतीवर मंगळवारी सायंकाळी विद्युत रोषणाई करण्यात आली आहे.
......
पावसाची विश्रांती
अहमदनगर: गेल्या दोन दिवसांपासून शहरासह जिल्ह्यात पावसाने हजेरी लावली होती. शहरात पावसाच्या सरीवर सरी कोसळत होत्या. त्यामुळे दुचाकीवरून प्रवास करणाऱ्यांची चांगलीच गैरसोय झाली होती. पावसाने मंगळवारी विश्रांती दिली असून वातावरणातील गारवा वाढला आहे.
....
ऊस लागवडीला सुरुवात
अहमदनगर : पावसाने जोरदार हजेरी लावल्याने पाणीपातळीत वाढ झाली आहे. गतवर्षी पुरेसा पाऊस झाला होता. त्यामुळे मुळा धरणात मुबलक पाणीसाठा होता. याहीवर्षी वेळेवर पाऊस झाल्याने ऊस लागवडीकडे शेतकऱ्यांचा कल असून, सध्या उसाच्या लागवडीची लगबग सुरू आहे.