हिवरेबाजार येथे घरफोडी
अहमदनगर : नगर तालुक्यातील हिवरे बाजार येथे चोरट्यांनी घरफोडी करून रोख रक्कम व सोन्याचे दागिने, असा एकूण ९१ हजार रुपयांचा ऐवज चोरून नेला. २३ डिसेंबर रोजी ही घटना घडली. याप्रकरणी नगर तालुका पोलीस ठाण्यात गणेश काशीनाथ पाटील यांनी दिलेल्या फिर्यादीवरून अज्ञात चोरट्यांविरोधात गुन्हा दाखल करण्यात आला आहे. याप्रकरणी पोलीस नाईक पालवे पुढील तपास करीत आहेत.
शेतकऱ्याची म्हैस चोरली
अहमदनगर : पाथर्डी तालुक्यातील घाटशिरस येथून चोरट्यांनी शेतकऱ्याची ३५ हजार रुपये किमतीची म्हैस चोरून नेली. २३ ते २४ डिसेंबर रोजी ही घटना घडली. याप्रकरणी पाथर्डी पोलीस ठाण्यात रामराव कृष्णाजी पालवे यांनी दिलेल्या फिर्यादीवरून गुन्हा दाखल करण्यात आला आहे. याप्रकरणी हेडकॉन्स्टेबल चव्हाण पुढील तपास करीत आहेत.
शेततळ्यातून वीजपंप चोरला
अहमदनगर : कर्जत येथील शेतकऱ्याच्या शेततळ्यातून चोरट्यांनी वीजपंप चोरून नेला. १८ डिसेंबर रोजी ही चोरी झाली. याप्रकरणी कर्जत पोलीस ठाण्यात संगीता कालिदास वेदपाठक यांनी दिलेल्या फिर्यादीवरून अज्ञात चोरट्यांविरोधात गुन्हा दाखल करण्यात आला आहे. याप्रकरणी सहायक फौजदार गाडे पुढील तपास करीत आहेत.