अहमदनगर : शहरात कोरोनाचा प्रादुर्भाव वाढत असताना घर घर लंगरसेवा व महापालिकेच्यावतीने सुरू केलेल्या हॉटेल नटराज येथील गुरु अर्जुन देव कोविड केअर सेंटरला नाशिक विभागीय आयुक्त राधाकृष्ण गमे यांनी भेट दिली. गमे यांनी कोविड सेंटरमधील डॉक्टर, कर्मचारी व रुग्णांशी संवाद साधला. तसेच घर घर लंगर सेवेच्या सामाजिक कार्याचे कौतुक केले.
घर घर लंगर सेवेने महापालिकेच्या सहकार्याने ३ मार्चपासूनच हॉटेल नटराज येथे व महिलांसाठी जैन पितळे वसतिगृहात गुरू अर्जुन देव कोविड केअर सेंटरची उभारणी केली आहे. यामध्ये अनेक कोरोनाग्रस्त रुग्ण चांगले होऊन घरी परतले आहेत. पहिल्या टाळेबंदीत अनेकांना दोन वेळचे जेवण उपलब्ध करुन तसेच विविध सामाजिक उपक्रमांद्वारे शहरात मोठे सामाजिक कार्य उभे करून सर्वांच्या मनात एक आदर व विश्वास निर्माण केला असल्याचे सांगून हरजितसिंह वधवा यांनी घर घर लंगर सेवेच्या सामाजिक कार्याची माहिती दिली. घर घर लंगरसेवेच्या सामाजिक उपक्रमात अहमदनगर जिल्हा पोलीस दल व लायन्स क्लबचे सहकार्य लाभत आहे, असे वधवा म्हणाले.
यावेळी आरोग्य योजनेचे मुख्य कार्यकारी अधिकारी डॉ. सुधाकर शिंदे, जिल्हाधिकारी डॉ. राजेद्र भोसले, जिल्हा परिषदेचे मुख्य कार्यकारी अधिकारी जगन्नाथ भोर, अप्पर पोलीस अधीक्षक सौरभ अग्रवाल, उपविभागीय अधिकारी श्रीनिवास अर्जुन, जिल्हा आरोग्य अधिकारी डॉ. संदीप सांगळे, मनपा आयुक्त शंकर गोरे, उपायुक्त यशवंत डांगे, मनपा आरोग्य अधिकारी डॉ. अनिल बोरगे, डॉ. प्रदीप कळमकर, घर घर लंगर सेवेचे हरजीतसिंह वधवा, जनक आहुजा, प्रितपालसिंह धुप्पड, कैलाश नवलाणी, राहुल बजाज, प्रशांत मुनोत, किशोर मुनोत, करण धुप्पड, सुनील छाजेड, मनप्रीत धुप्पड, सनी वधवा, प्रमोद पंतम, पुरुषोत्तम बेट्टी आदी उपस्थित होते.
..........................
०८ घर घर लंगर सेवा
गुरु अर्जुन देव कोविड केअर सेंटरला नाशिक विभागीय आयुक्त राधाकृष्ण गमे यांनी भेट दिली. यावेळी डॉ. राजेद्र भोसले, डॉ. सुधाकर शिंदे, जगन्नाथ भोर, सौरभ अग्रवाल, श्रीनिवास अर्जुन, डॉ. संदीप सांगळे, शंकर गोरे, हरजीतसिंह वधवा आदी उपस्थित होते.