काष्टी : सदाशिव पाचपुते यांनी श्रीगोंद्याच्या राजकारणात आमदार बबनराव पाचपुते यांच्या मागे पाठीराखा म्हणून आयुष्यभर काम पाहिले. प्रश्नांची सोडवणूक करणारे एक आदर्श, जनतेच्या हितासाठी झटणारा कर्तृत्ववान माणूस गेल्याचे दुःख आहे, अशा शब्दांत आमदार डाॅ. सुधीर तांबे यांनी आदरांजली वाहिली.
नुकतेच निधन झालेले जिल्हा परिषद सदस्य सदाशिव पाचपुते यांच्या कुटुंबीयांची श्रीगोंदा तालुक्यातील काष्टी येथे तांबे यांनी भेट घेतली. यावेळी जिल्हाधिकारी प्रमोद यादव, माजी आमदार दादाभाऊ कळमकर, कराडचे उद्योजक शिवाजीराव पाटील शिरगावकर, अतिरिक्त पोलीस अधीक्षक किसनराव गवळी, मराठा महासंघाचे जिल्हाध्यक्ष संभाजी दहातोंडे, ज्ञानदेव वाफारे, स्मितल वाबळे, ज्येष्ठ नेते बाबासाहेब भोस, जिल्हा अधीक्षक कृषी अधिकारी शिवाजीराव जगताप, कृषी उपसंचालक विलास नलगे, तालुका कृषी अधिकारी पद्मनाभ म्हस्के यांनी पाचपुते कुटुंबीयांचे सांत्वन केले. मंत्री दिलीप वळसे यांनी दूरध्वनीवरून पाचपुते कुटुंबीयांचे सांत्वन केले.
----
२५ काष्टी
काष्टी येथे पाचपुते कुटुंबीयांचे सांत्वन करताना आमदार डॉ. सुधीर तांबे.