करंजी : पाथर्डी तालुक्यातील लोहसर ग्रामपंचातीच्या सरपंचपदी हिराबाई गीते, सातवडच्या सरपंचपदी राजेंद्र पाठक तर घाटसिरसच्या सरपंचपदी गणेश पालवे यांची निवड झाली.
आदर्शगाव लोहसरच्या सरपंचपदी हिराबाई अनिल गीते यांची दुसऱ्यांदा सरपंच म्हणून, तर शोभा महादेव गीते यांची उपसरपंचपदी निवड झाली. गीते कुटुंबीयांची या गावावर ५५ वर्षांपासून सत्ता आहे. सातवड गावच्या सरपंचपदी राजेंद्र उर्फ दशरथ पाठक यांची तर उपसरपंचपदी दादासाहेब आनंदा सरोदे यांची बिनविरोध निवड करण्यात आली. घाटसिरस ग्रामपंचायतीच्या सरपंचपदी गणेश सुधाकर पालवे यांची तर उपसरपंचपदी अलका पोपटराव चोथे यांची निवड झाली. सर्वच ठिकाणी सरपंच व उपसरपंचपदांची निवड होताच, समर्थकांनी फटाके वाजवून जल्लोष केला.
( फोटो १० सातवड)
सातवडच्या सरपंचपदी राजेंद्र पाठक व उपसरपंचपदी दादासाहेब सरोदे यांची निवड झाल्यानंतर त्यांना सन्मान करण्यात आला.