म्युकरमायकोसिस या बुरशीचा संसर्ग कोविडमधून बरे झालेल्या रुग्णांमध्ये वाढत्या प्रमाणात आढळून येत आहे. या बुरशीचा संसर्ग नाक, कान, घसा, जबडा आणि दात यापासून सुरू होऊन डोळे व मेंदूपर्यंत पोहोचून दृष्टीवर परिणम करू शकतो. प्रसंगी रुग्णाचा मृत्यूही होऊ शकतो.
कारणे : १) डायबेटिस- रक्तातील साखरेप्रमाणे नियंत्रणाबाहेर असल्यास
२) स्टेराॅॅईडस- जास्त दिवस स्टेराॅईडसची इंजेक्शन अथवा गोळ्या चालू असल्यास
३) रोगप्रतिकारशक्ती कमी करणारे आजार असल्यास उदा. एड्स, कॅन्सर, अवयव प्रत्यारोपण झाले असल्यास
४)वयस्कर व्यक्ती
५)जास्त दिवस ऑक्सिजनची गरज पडली असल्यास
लक्षणे : गालावर दुखणे, चेहऱ्यावर मुंग्या येणे, नाक कोरडे पडणे, नाकातून काळा स्राव येणे, दात दुखणे, दात हलायला लागणे, नाकावर व टाळूवर काळे डाग उमटणे, डोळा दुखणे, डोकेदुखी, दोन दोन प्रतिमा दिसणे, दृष्टी मंदावणे, आदी.
निदान : एन्डोस्कोपी, एमआरआई, बायओप्सी
म्युकरमायकोसिस या बुरशीचा संसर्ग फार वेगात पसरतो. म्हणून लवकर निदान व उपचारास सुरुवात केल्यास ऑपरेशनची गरज पडणार नाही.
लक्षणे दिसल्यास लगेच कान, नाक, घसा तज्ज्ञ डॉक्टरांना दाखविणे, डोळे दुखत असल्यास, दृष्टी कमी होत असल्यास नेत्रतज्ज्ञ डॉक्टरांना दाखविणे आवश्यक आहे.
-----------