गुरू अर्जन देव कोविड केअर सेंटरमधील कोरोना योद्ध्यांना आ.संग्राम जगताप यांच्या हस्ते व्हायरोशिल्ड स्प्रेचे वाटप करण्यात आले. यावेळी सभापती अविनाश घुले, हरजीतसिंग वधवा, माजी नगरसेवक सचिन जाधव, सचिव कैलास दळवी, अमेय मुळे आदी उपस्थित होते.
जगताप म्हणाले, जागरूक नागरिक मंचने कोरोना प्रतिबंधासाठी प्रभावी ठरलेल्या व्हायरोशिल्ड स्प्रे प्रथमच उपलब्ध करून देत, शहरातील कोविड सेंटरमध्ये सेवा देणाऱ्या कोरोना योद्ध्यांना सुरक्षा कवच दिले आहे. जागरूक नागरिक मंच कायमच वेगळे काम करत, नगरमधील विविध समस्यांमध्ये हात घालून प्रश्न मार्गी लावत आहेत.
सुहास मुळे म्हणाले, कोरोना योद्ध्यांना मदत करण्याच्या भावनेने व्हायरोशिल्ड स्प्रे या गुणकारी असलेल्या स्प्रेचे वाटप केले आहे. कोरोना योद्धे असलेले सेनापती जर सुस्थितीत राहिले, तर हे कोरोना विरोधातील युद्ध आपण सहज जिंकू. नगरमधील जिल्हा रुग्णालय, अमरधाम येथे सेवा देणाऱ्या १५० हून अधिक कोरोना योद्ध्यांना या स्प्रेचे वाटप करण्यात येणार आहे.
सुहास मुळे यांच्या या आवाहनास त्वरित प्रतिसाद सभापती अविनाश घुले यांनी १५ स्प्रेसाठी तर हारजीतसिंग वधाव यांनी १० स्प्रेसाठी मदत दिली. यावेळी सुनील कुलकर्णी, योगेश गणगले, प्रसाद कुकडे, राजेंद्र पडोळे, मनोज कुमार, राजा नारंग, राहुल बेग, कैलास नवलानी, किशोर मुनोत अर्जुन मदान, सूरज तोरणे उपस्थित होते.
----------------------------------
फोटो -23 व्हायरोशिल्ड स्प्रे
जागरूक नागरिक मंचच्या वतीने प्रभावी कोरोना प्रतिबंधक व्हायरोशिल्ड स्प्रेचे गुरू अर्जन देव कोविड केअर सेंटरमधील करोना योद्ध्यांना वाटप करताना आ.संग्राम जगताप. समवेत अध्यक्ष सुहास मुळे, सभापती अविनाश घुले, हरजीतसिंग वधवा, सचिन जाधव, कैलास दळवी, अमेय मुळे आदी.