पाचेगाव : नेवासा तालुक्यातील पाचेगाव, पुनतगाव, निंभारी, गोणेगाव, इमामपूर भागांत गेल्या पाच दिवसांपासून सलग पाऊस कोसळत असल्याने खरिपाची पिके पाण्यात गेल्याने धोक्यात आली आहेत.
पावसामुळे शेतात पाण्याची तळे साचून राहत आहेत. त्यामुळे नुकत्याच उगवण झालेल्या खरिपातील बाजरी, सोयाबीन, मका, तूर, मूग, कपाशी, आदी कोवळी पिके पाण्याखाली जास्त काळ राहिल्याने सडत असल्याचे चित्र आहे. अतिपावसामुळे पिके खराब होत असल्याने शेतकऱ्यांना नुकसान सोसावे लागण्याची चिन्हे असून, उत्पादनात घट येण्याची शक्यता आहे.
पाचेगाव येथील केंद्रीय जलआयोगाच्या कार्यालयातील पर्जन्यमापकावर ८ जुलै- १६ मिलिमीटर, ९ जुलै- ३३ मिलिमीटर, ११ जुलै - २५ मिलिमीटर, १२ जुलै - २४ मिलिमीटर, १३ जुलै १८ मिलिमीटर पावसाची नोंद झाली. त्यामुळे गेल्या पाच दिवसांत ११६ (पाच इंच) मिलिमीटर पाऊस झाल्याची नोंद झाली. १ जूनपासून ते गुरुवारपर्यंत ३३३ (१३ इंच) मिलिमीटर पावसाची नोंद झाली आहे. पावसाने जून आणि जुलै महिन्यांची सरासरी ओलांडली आहे.
----
फोटो पॅलेटला
150721\img_20210713_122959.jpg~150721\img_20210713_122849.jpg
अतिपावसामुळे पाचेगाव परिसरातील पिके धोक्यात
सलग पावसामुळे पिके सडण्याच्या मार्गावर~अतिपावसामुळे पाचेगाव परिसरातील पिके धोक्यात
सलग पावसामुळे पिके सडण्याच्या मार्गावर