अहमदनगर : पंजाबी समाज व पंजाबी ऑर्गनायझेशनतर्फे पंजाबी प्रीमियर लीग क्रिकेट स्पर्धेचे उद्घाटन आमदार संग्राम जगताप यांच्या हस्ते झाले.
या प्रसंगी प्रदीप पंजाबी, काकाशेठ नय्यर, आगेश धुप्पड, हरजीतसिंह वधवा, जनक आहुजा, हितेश ओबेरॉय, गौरव नय्यर, अनिश आहुजा, मोहित पंजाबी, सावन छाबरा, हर्ष बत्रा, सागर पंजाबी, डॉ.अभिषेक वाही, सनी आहुजा, कैलाश नवलानी, कमल कोहली, विजय बक्षी, अमरिश सहानी, विशाल बक्षी, राजेश सबलोक उपस्थित होते.
यावेळी आमदार जगताप म्हणाले, क्रिकेट स्पर्धेच्या माध्यमातून शहरातील पंजाबी समाज एकवटला गेला. मागील वर्षी आलेल्या कोरोनाच्या संकटात घर घर लंगर सेवेच्या माध्यमातून गरजूंना दोन वेळचे जेवण पुरवून लाखो कुटुंबीयांना पंजाबी समाजाने मोठा आधार दिला. ही भावना व कार्य या खेळाच्या मैदानातून निर्माण झाले होते. जीवनात खेळाडूवृत्ती महत्त्वाची आहे.
प्रास्ताविकात हरजीतसिंह वधवा यांनी समाजाला जोडण्यासाठी या क्रिकेट स्पर्धेचे आयोजन करण्यात आले आहे, असे सांगितले. यामध्ये १४ वर्षांपासून साठ वर्षांपर्यंत ज्येष्ठ नागरिकांना संधी देण्यात आली आहे, तसेच या वर्षी महिलांचे संघही या स्पर्धेत उतरले आहेत. तीन दिवस चालणाऱ्या या क्रिकेट स्पर्धेचे नियम मनोरंजनात्मक आहेत.
पंजाबी प्रीमीयर लीगचे हे तिसरे वर्ष असून, या स्पर्धेत १० संघांचा समावेश आहे. दिवसा, तसेच रात्री फ्लड लाइटमध्ये या स्पर्धा होणार आहे. नाणेफेक हरणारा फलंदाजीचा निर्णय घेऊ शकतो. एक षटक ५ चेंडूंचा असून, प्रत्येक खेळाडूला एक षटक टाकणे बंधनकारक आहे. १५ धावा करणारा फलंदाज रिटायर होतो. अशा अनेक मनोरंजनात्मक नियमांचा समावेश या क्रेझी क्रिकेटमध्ये आहे, तर यावेळी महिलांच्या संघांनाही प्रवेश देण्यात आला आहे. कोरोना प्रतिबंधात्मकतेचे सर्व नियम पाळून क्रिकेटचे सामने होत आहेत. विजेत्या संघास व उत्कृष्ट खेळाडूंना आकर्षक बक्षिसे ठेवण्यात आली आहेत. कार्यक्रमाचे सूत्रसंचालन वीरेंद्र ओबेरॉय यांनी केले. आभार सावन छाब्रा यांनी मानले.
--फोटो- ०६पंजाबी क्रिकेट
पंजाबी समाज व पंजाबी ऑर्गनायझेशन आयोजित पंजाबी प्रीमियर लीग क्रिकेट स्पर्धेचा शुभारंभ आमदार संग्राम जगताप यांच्या हस्ते झाला. यावेळी प्रदीप पंजाबी, काका नय्यर, आगेश धुप्पड, हरजीतसिंह वधवा, जनक आहुजा, हितेश ओबेरॉय आदी.