आपआपले पंचे गळ्यात घाला हो.....
महापालिकेत सेना- राष्ट्रवादी प्रथमच एकत्र आले आहेत. आम्ही एकत्र आलो असलो तरी आमचा पक्ष वेगळा आहे, हे दाखविण्यासाठी उमेदवारी अर्ज दाखल करताना नगरसेवक व कार्यकर्त्यांनी आपापल्या पक्षाचे पंचे घातले होते. काहींनी पालिकेत आल्यानंतर पंचे मागविले. आपल्या पक्षाच्या नगरसेवकांना पंचे पोहोचले का, याची खात्री करत आपापले पंचे गळ्यात घाला, अशा सूचना यावेळी श्रेष्ठींकडून दिल्या गेल्या.
......
जुन्या आठवणींना उजाळा
राष्ट्रवादीचे गणेश भोसले यांचा उपमहापौर पदाचा अर्ज दाखल करण्यासाठी शिवसेनेचे नगरसेवक आले होते. अर्ज दाखल करण्यासाठी वेळ होता. त्यामुळे सेनेचे सर्व नगरसेवक उपमहापौर दालनात थांबले होते. भोसले हेही त्यांच्यात जाऊन बसले. राष्ट्रवादीचे भोसले हे पूर्वी शिवसेनेत होते. जुन्या आठवणींना उजाळा देत गप्पांचा फड चांगलाच रंगला होता.
...