माधवस्वामी यांचा पुण्यस्मरण सोहळा

तिसगाव : श्री क्षेत्र हनुमान टाकळी (ता. पाथर्डी) येथील समर्थ हनुमान देवस्थानचे संस्थापक अध्यक्ष प. पु. माधवस्वामी यांचा पाचवा पुण्यतिथी सोहळा रविवारी पार पडला. कोरोनामुळे यंदा हा सोहळा भाविकांविना झाला. समाधी पूजन महाभिषेक विधीवत सकाळी झाले. भजनी मंडळाच्या वतीने सद्गुरूंचे करण्यात आलेले भजन भावस्पर्शी ठरले. मोजक्या ग्रामस्थांसमोर रमेशआप्पा महाराज यांनी त्यांच्या आठवणी जागविल्या. सामाजिक कार्यकर्ते अमोल गवळी व नीलेश लंके मित्रमंडळाच्या वतीने मास्क व सॅनिटायझरचे मोफत वितरण करण्यात आले. परिवहन अधिकारी दीपक मेहरकर, ओमप्रकाश धूत, तुकाराम गायकवाड, तुळशीदास आंधळे, उत्तम आंधळे, हरिश्चंद्र महाराज दगडखैर, शिवनाथ बर्डे, दिनकर दगडखैर, आसाराम बांदल, मीना बर्डे, वंदना बर्डे, सुमनबाई दगडखैर, पुजारी पुरोहित उपस्थित होते.