तळेगाव दिघे : संगमनेर तालुक्यातील मेंढवण शिवारातील कार्थळवाडी या ठिकाणी वस्तीवर राहणाऱ्या शिक्षकाच्या घराच्या दरवाजाचे कुलूप तोडून आत प्रवेश केला. दाम्पत्यास मारहाण करून चोरट्यांनी सोन्याच्या दागिन्यांसह ३ लाख २१ हजार रुपयांचा ऐवज लंपास केला. ही घटना रविवारी रात्री अडीच वाजण्याच्या सुमारास घडली.
मेंढवण शिवारात कार्थळवाडी या ठिकाणी शिक्षक हरिश्चंद्र बाजीराव काळे यांची वस्ती आहे. रविवारी रात्री अडीच वाजेच्या सुमारास अज्ञात चार चोरट्यांनी काळे यांच्या घराचा दरवाजा तोडून आत प्रवेश केला. चोरट्यांनी काळे दाम्पत्यास मारहाण केली. चोरट्यांनी त्यांना अर्धा तास खुर्चीवर बसवून ठेवत घरातील साहित्याची उचकापाचक केली. काळे दाम्पत्यास धमकावत ५६ ग्रॅम वजनाचे १ लाख ५७ हजार रुपये किमतीचे एक सोन्याचे गंठण, मिनी गंठण, कानातील झुबे, अंगठी, कपड्यांसह एकूण ३ लाख २१ हजार रुपयांचा ऐवज चोरट्यांनी लंपास केला. त्यानंतर चोरटे स्विफ्ट कारमधून पसार झाले. हरिश्चंद्र काळे हे कोतूळ (ता. अकोले) येथील माध्यमिक विद्यालयात शिक्षक आहेत. घरफोडीप्रकरणी हरिश्चंद्र काळे यांच्या फिर्यादीनुसार अज्ञात चार चोरट्यांविरुद्ध गुन्हा दाखल केला आहे.
...
फोटो-२१मेंढवण घरफोडी
ओळी-कार्थळवाडी येथील हरिश्चंद्र काळे यांच्या घरात चोरट्यांनी केलेली सामानाची उचकापाचक.