राष्ट्रवादीच्या शहर चिटणीसपदी भगत, मीडिया प्रमुखपदी शेख

पाथर्डी : राष्ट्रवादी काँग्रेसच्या शहर चिटणीसपदी विजय भगत, तर मीडिया प्रमुखपदी जहीर शेख यांची निवड करण्यात आली. येथील राष्ट्रवादी काँग्रेस पक्षाच्या कार्यालयात आयोजित बैठकीत शहराध्यक्ष योगेश रासने यांनी शेख व भगत यांना निवडीचे पत्र दिले. यावेळी जिल्हा उपाध्यक्ष सीताराम बोरुडे, नगरसेवक बंडू पाटील बोरुडे, देवा पवार, अनिकेत निनगूरकर, अक्रम आतार, एम. पी. आव्हाड आदी उपस्थित उपस्थित होते. सीताराम बोरडे म्हणाले, राष्ट्रवादी काँग्रेसचे अध्यक्ष शरद पवार, माजी आ. चंद्रशेखर घुले, केदारेश्वर कारखान्याचे अध्यक्ष ॲड. प्रताप ढाकणे यांच्या मार्गदर्शनाखाली पदाधिकाऱ्यांच्या निवडी केल्या आहेत. निवडलेल्या पदाधिकाऱ्यांनी पक्षाच्या धेयधोरणानुसार कष्टकरी, शेतकरी यांना न्याय मिळवून देऊन त्यांचे जीवनमान उंचावण्यासाठी प्रयत्न करावेत, असे आवाहन केले. शहराध्यक्ष योगेश रासने यांनी प्रस्ताविक केले. अक्रम आतार यांनी आभार मानले.