Lok Sabha Election 2024 | Lok Sabha Election 2024 Live | Lok Sabha Election 2024 Live Updates | Lok Sabha Election 2024 Result | लोकसभा निवडणूक २०२४

सुप्रिया सुळे आणि सुनेत्रा पवार हे पवार कुटुंबातीलच दोन उमेदवार हे एकमेकांसमोर उभे ठाकल्याने आणि दोन्ही बाजूंनी एकमेकांवर जोरदार आरोप प्रत्यारोप झाल्याने बारामती लोकसभा मतदारसंघातील निवडणूक चांगलीच गाजली. प्रचाराच्या शेवटच्या टप्प्यापर्यंत दोन्ही गटांकडून मतदारांना आपल्याकडे वळवण्याचे जोरदार प्रयत्न सुरू होते. दरम्यान, आज मतदानाला सुरुवात झाल्यानंतर शरद पवार गटाचे आमदार रोहित पवार यांनी अजित पवार गटावर पैसे वाटप केल्याचा गंभीर आरोप केला या आरोपाला आता अजित पवार यांनीही उत्तर दिलं आहे. प्रसारमाध्यमांशी संवाद साधताना अजित पवार म्हणाले की, आतापर्यंत मी सात विधानसभा आणि एक विधानसभेची निवडणूक लढवली आहे. मी असले प्रकार कधी करत नाही. विरोधकांमधील बगलबच्चे सुरुवातीपासून असे आरोप करत होते. पण मी त्याला फार महत्त्व देत नाही. या सर्वांवर लक्ष ठेवण्यासाठी निवडणूक आयोगाचं पथक असतं, पोलीस यंत्रणा असते, निवडणूक आयोगाचे निरीक्षक असतात. ते आरोप करतात, तसे आरोप मीही करू शकतो, असा इशारा अजित पवार यांनी दिला. यावेळी प्रसारमाध्यमांनी अधिक विचारणा केली असता, अजित पवार म्हणाले की, तुम्ही स्वत: ती बँक उघडी पाहिली होती का? तसेच तो व्हिडीओ कालचाच होता का, याची पडताळणी केली आहे का? तुमच्याकडे व्हिडीओ आहे म्हणून काही पण प्रश्न विचारणार का? जो समोरून आरोप करत आहे त्याच्यावर थोडा परिणाण झालेला दिसतोय. त्यामुळे त्याच्याकडून आरोप केले जात आहेत. त्यामुळे त्या आरोपांना फार महत्त्व द्यावं असं मला वाटत नाही, असा टोला अजित पवार यांनी रोहित पवार यांचं नाव न घेता लगावला. दरम्यान, आज सकाळी मतदानासाठी आलेल्या आमदार रोहित पवारांनी अजित पवारांवर गंभीर आरोप केले होते. बारामतीत पोलिसांच्या बंदोबस्तात पैशाचा पाऊस पाडला जात आहे असं सांगत रोहित पवारांनी ट्विटवर काही व्हिडिओ शेअर केले होते. बारामतीत काही ठिकाणी २५०० रुपये, ३००० रुपये, ४ हजार रुपये प्रति मत अशाप्रकारे पैसा वाटला गेला. पीडीसीसी बँक गरीबाला ५ वाजता बंद होते. परंतु पैसे वाटण्यासाठी रात्री १-२ पर्यंत सुरू राहते. पीडीसीसी बँक, कर्मचारी आणि झेड सिक्युरिटीचा वापर केला गेला. पोलिसांच्या गाडीचा पैशासाठी वापर झाला पण अनेक ठिकाणी लोकांनी पैसे नाकारले. ही लढाई जनशक्तीविरुद्ध धनशक्ती झालीय. जनशक्ती ही शरद पवार, सुप्रिया सुळेंच्या बाजूने तर धनशक्ती ही अजित पवारांच्या बाजूने असल्याचा टोला त्यांनी लगावला.

लाईव्ह न्यूज :

lok sabha election 2024 Result Live UpdatesFOLLOW

Lok sabha election 2024, Latest Marathi News

सोलापूर :सोलापूर, माढा लोकसभेसाठी आज मतदान; जाणून घ्या सकाळच्या सत्रातील परिस्थितीचा आढावा

पुणे :लोकशाहीने मतदानरुपी अधिकार दिला आहे त्याचा उपयोग प्रत्येकाने करावा : माजी मंत्री हर्षवर्धन पाटील

माजी मंत्री हर्षवर्धन पाटील यांनी बावडा येथे सहकुटुंब मतदानाचा हक्क बजावला. ...

पुणे :'मेरी माँ मेरे साथ है'... मतदानादिवशीच आईला सोबत आणलं, अजित पवारांचं श्रीनिवास पवारांना प्रत्युत्तर

Baramati Lok Sabha Election 2024: लोकसभा निवडणुकीसाठी आज तिसऱ्या टप्प्यातील मतदान होतं आहे. राज्यातील ११ मतदारसंघात मतदान होत आहे. ...

गोवा :मतदारराजाचा दिवस; सर्वच उमेदवारांचे भवितव्य ११ लाख ८० हजार मतदार ठरवणार

राज्यातील १,७२५ मतदान केंद्रांसह यंत्रणा सज्ज ...

गोवा :कोण जिंकणार 'मैदान'? दक्षिण गोवा मतदारसंघात रंगतदार लढत

काँग्रेसची मदार स्थानिक नेते, कार्यकर्त्यांवर; गोमंतकीयांना मतदानासाठी आवाहन ...

गोवा :रमाकांत खलपांचा ख्रिस्ती, मुस्लिमांवर भरोसा; भाजपकडून हिंदू मतांवर अधिक भर

ताळगाव मतदारसंघासह काही ख्रिस्ती प्रभावित भागांमध्ये भाजपचा प्रचार तुलनेने कमी झाला. ...

गोवा :गोव्याचा मतदार जागृत; राज्य खूप सुशिक्षित, आधुनिक विचारांचे

मतदारांना विकत घेण्याचे प्रमाण तुलनेने कमी. ...

महाराष्ट्र :रोहित पवार यांनी केलेल्या पैसे वाटपाच्या आरोपांना अजित पवार यांचं प्रत्युत्तर, म्हणाले…