बीसीसीआयFOLLOW

नवी दिल्ली : भारत आणि पाकिस्तान यांच्यात टी-20 वर्ल्ड कप स्पर्धेतील 23 ऑक्टोबरला होणाऱ्या सामन्यापूर्वी दोन्ही देशांमधील वातावरण तापले आहे. भारतीय क्रिकेट नियामक मंडळाची (BCCI) वार्षिक सर्वसाधारण सभा मंगळवारी मुंबईत पार पडली आणि त्याचे चटके दूर पाकिस्तानला बसले. BCCI सचिव जय शाह (Jay Shah) यांनी बैठकीनंतर भारतीय संघ आशिया चषक स्पर्धेसाठी पाकिस्तानात जाणार नसल्याचे जाहीर केले आणि ही स्पर्धा तटस्थ ठिकाणी खेळवण्यात यावी अशी मागणी केली. त्यावर पाकिस्तान क्रिकेट बोर्डाने (PCB) लांबलचक पत्र काढून टीका केली. पीसीबीने दिलेल्या प्रत्युत्तराचे कौतुक करताना पाकिस्तानचा माजी खेळाडू शाहिद आफ्रिदीने बीसीसीआयला फटकारले आहे. PCBने जारी केलेल्या पत्रकात म्हटले... “पुढील वर्षी होणारी आशिया चषकाची स्पर्धा तटस्थ ठिकाणी हलवण्यासंदर्भात आशियाई क्रिकेट परिषदेचे (ACC) अध्यक्ष जय शाह यांनी काल केलेल्या विधानाबाबत पीसीबीने आश्चर्य आणि निराशा व्यक्त केली आहे. आशियाई क्रिकेट परिषद किंवा पाकिस्तान क्रिकेट बोर्ड (यजमान) यांच्याशी चर्चा किंवा सल्लामसलत न करता आणि त्याचे दीर्घकालीन परिणाम यांचा कोणताही विचार न करता हे विधान केले गेले आहे,''असे पीसीबीने त्यांच्या निवेदनात म्हटले आहे."पाकिस्तानला एसीसी बोर्ड सदस्यांचा जबरदस्त पाठिंबा आणि प्रतिसाद मिळाल्याने आशिया चषक स्पर्धेचे यजमानपद दिले गेले. शाह यांचे आशिया चषक स्थलांतरित करण्याचे विधान स्पष्टपणे एकतर्फी आहे. हे तत्त्वज्ञान आणि भावनेच्या विरुद्ध आहे. एक संयुक्त आशियाई क्रिकेट मंडळ तिच्या सदस्यांच्या हिताचे रक्षण करण्यासाठी आणि आशियातील क्रिकेट खेळाचे आयोजन, विकास आणि प्रचार करण्यासाठी सप्टेंबर 1983 मध्ये आशियाई क्रिकेट परिषदेची स्थापना करण्यात आली होती.''“अशा विधानांच्या एकूण प्रभावामुळे आशियाई आणि आंतरराष्ट्रीय क्रिकेट समुदायांमध्ये फूट पडण्याची क्षमता आहे. ICC क्रिकेट विश्वचषक 2023 आणि 2024-2031 या कालावधीत भारतात होणाऱ्या ICC स्पर्धांवरही याचा परिणाम होऊ शकतो. पीसीबीला आतापर्यंत एसीसीच्या अध्यक्षांकडून कोणतेही अधिकृत पत्र किंवा स्पष्टीकरण मिळालेले नाही. त्यामुळे, PCB ने आता आशियाई क्रिकेट परिषदेला विनंती केली आहे की या महत्त्वाच्या आणि संवेदनशील विषयावर चर्चा करण्यासाठी व्यावहारिकदृष्ट्या शक्य तितक्या लवकर आपल्या बोर्डाची तातडीची बैठक बोलावली.''शाहिद आफ्रिदीने BCCIला फटकारले पीसीबीने जारी केलेल्या पत्रकाचे कौतुक करताना शाहिद आफ्रिदीने बीसीसीआयला संवेदनशीलपणाचे धडे दिले आहेत. "पीसीबीने घेतलेल्या निर्णयाचे स्वागत. अशा प्रकारे व्यावसायिक संस्था महत्त्वाच्या बाबी हाताळतात", अशा शब्दांत आफ्रिदीने बीसीसीआयला फटकारले आहे. खरं तर बीसीसीआय सचिव जय शाह यांनी तटस्थ ठिकाणी स्पर्धा खेळवण्याची घोषणा करताच आफ्रिदीने नाराजी व्यक्त केली होती. जय शाह यांना प्रशासकीय कारभार कळत नसल्याचा आरोप आफ्रिदीने केला. त्याने ट्विट केले की, मागील 12 महिन्यांत दोन देशांमध्ये झालेल्या क्रिकेट सामन्यांमुळे दोन्ही देशांत चांगले संबंघ निर्माण होतील, असे वातावरण निर्माण झाले होते. पण, मग टी-20 वर्ल्ड कपच्या सामन्यापूर्वी बीसीसीआय सचिव जय शाह यांनी असं विधान का करावं? यातून भारतात क्रिकेट प्रशासनाच्या अनुभवाचा अभाव दर्शवतो. असे शाहिद आफ्रिदीने ट्विटच्या माध्यमातून म्हटले होते. सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"

लाईव्ह न्यूज :

नेपाळचं नेतृत्व कुणाकडे?

आता ओबीसींचा मोर्चा?

ठाकरेंचं ठरतंय, 'मविआ'चं काय?

ट्रम्प टॅरिफचं काय होणार?

जरांगेंचा इशारा

मिशन आशिया कप

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

बीसीसीआयFOLLOW

Read more

क्रिकेट : BCCI announced IPL2022 Date, Big News : आयपीएल २०२२ची तारीख बीसीसीआयने केली जाहीर; चेअरमन Brijesh Patel यांची घोषणा

क्रिकेट : Mumbai Indians vs Other franchises : IPL 2022 आधीच सुरू झाला वाद; मुंबई इंडियन्ससोबत वानखेडेवर खेळण्यास अन्य फ्रँचायझींचा विरोध!

क्रिकेट : IPL 2022 Schedule & Venues : आयपीएल २०२२चे ५५ सामने मुंबईत, १५ सामने पुण्यात; जाणून घ्या फायनलची तारीख!

क्रिकेट : Wriddhiman Saha: वृद्धिमान साहाचा मोठेपणा! धमकी देणाऱ्या पत्रकाराला दिली माफी मागण्याची संधी

क्रिकेट : Rohit Sharma on workload management: BCCIच्या थकवणाऱ्या वेळापत्रकावर रोहित शर्मा व्यक्त झाला; संजू सॅमसनबाबतही केलं विधान

क्रिकेट : Wriddhiman Saha: 'खपवून घेणार नाही...', साहा पुन्हा भडकला; वीरु म्हणाला 'दिर्घ श्वास घे अन् नाव सांगून टाक!'

क्रिकेट : Suresh Raina : IPL फ्रँचायझींनी नाकारल्यानंतर सुरेश रैनानं केली BCCI कडे 'क्रांतिकारी' विनंती, म्हणाला... Video

क्रिकेट : धमकी देणारा तो पत्रकार कोण? वृद्धिमान साहा म्हणाला, बीसीसीआयने विचारलं तरी नाव सांगणार नाही