सिंधु महोत्सव ?

मालवणी तडका

सकलो : काय झाला? सिंधु महोत्सव काय झालो ? तुकलो : काय व्होवक नाय अरे सिंधु महोत्सव आता साजरो करु चो हा म्हायती हा मा ? सकलो : व्हय दरवर्सा करतत मरेतुकलो : दरवर्सा काय ? कधी तरी हुक्की इली तर बुक्की देतत सकलो : म्हंजे ?तुकलो : अरे माका सांग आपलो जिल्हो काय म्हनान घोषीत झालो हा? सकलो : अरे असा काय म्हनतस आपलो जिल्हो भारतातलो येकमेव पर्यटन जिल्हो म्हनान घोषित झालो हा. तुकलो : व्हय मा ? मगे माका सांग पर्यटन स्थळांची काय स्थिती हा ? रस्त्यांची काय स्थिती हा? सकलो : काय काय पर्यटनस्थळार जावक वाटपन नाय हा. तुकलो : आनी आंबोली सारक्या पॉर्इंटारनी सोय केली तेच्यो फरश्यो आनी लाईट गायब केलेलो हत. सकलो : अरे तीच तर आपल्या लोकांची खासीयत हा. सरकारचो पैसो म्हंजे कचरो वाटता आमका. तुकलो : अगदी बरबर. सरकारचो पैसो खर्च झालो तर तेचो कसोव वापर झालो तरी चलता. सकलो : ही तुजी बाजू बरबर हा. जिसर पैसो खर्च झालो हा. ता पन पर्यटन स्थळ बघण्यासारक्या आसा आनी जिसर खर्चच नाय होवक ता पन बघण्यासारक्याच हा. तुकलो : अरे जिल्ह्याक आपल्या निसर्गान अगदी खुले आम डोळे उघडे ठेवन भरभरुन दिलला हा. पन आपनाकच ता घेवक जमणा नाय. सकलो : तांव खराच म्हना. पन तुका सांगतय. बरेच सरकारी योजना हत त्यो राबवताना स्थानिक संस्थांका आनी लोकांका इश्वासात घेवचे आदी राबवतत. तुकलो : तेचेशिवाय अधिकाऱ्यांका टक्केवारी कशी गावतली. सकलो : त्या टक्केवारीत आपल्या जिल्ह्याचो विकास रखडलो मरे. तुकलो : खरा हा. बोर्ड लावचे आसले तरी भायरचो कॅसेटी काढूचे आसले तरी भायरचो.सकलो : स्थानिकांका काय येना नाय आनी काय कळना नाय असा तेंका वाटत आसता म्हनान ता तसा व्हता. सकलो : अरे पन मी म्हनतय पर्यटन संस्था हत मा ?तुकलो : आसत तीस चाळीस पर्यटन संस्था हत मरे पन तेंका कायच म्हायती नसता. सकलो : तेंका म्हायती दिली तर निधी कसो खर्च पडतलो. आपल्या वाट्याक मगे कायच रवाचा नाय असा तेका वाटतला. तुकलो : ह्या भानगडीत रौप्यवर्ष साजरा करुचे येळ इलो. सकलो : म्हंजे?तुकलो : अरे आपलो जिल्हो पर्यटन जिलो म्हनान जाहीर होऊन आता सतरा वर्सा होऊन गेली पन आजून पायाभूत काय म्हनतत ती सुधारणा अजून व्होवक नाया. सकलो : अधिकाऱ्यांची झाली ना पायाभूत सुविधा?तुकलो : ता बघुचा लागात. सकलो : काय बघुची गरज नाय. पर्यटनासाठी किती निधी इलो आनी कसो खर्च झालो ती म्हायती घेवक व्हयी.तुकलो : म्हायती घेवन काय करतलस. आता येणारो पैसो कसो खर्च व्हता ता बघुक व्हया.तुकलो : अगदी बरोबर. आता तरी निदान सतरा वर्सानंतर सिंधु महोत्सव होता. त्यायेळाक सगळ्या पर्यटन संस्थांका इस्वासात घेवन महोत्सवाचा आयोजन करा. असा जिल्हा पर्यटन संस्थेचे अध्यक्ष अतुल हुलेनी जिल्हाधिकाऱ्यांका निवेदन दिला. सकलो : व्हेरी गुड. आमी पन न्हान मोठे कार्यक्रम घेतव. आमकाव आवड हा, असल्या कार्यक्रमात भाग घेवची. तुकलो : व्हय मा ? तेचेसाठीच तर तसा निवेदन दिलेला हा. तुझ्या सारकी हौशी मानसा पन हवी हत. सकलो : आमची कदीव तयारी हा. तुमी फक्त सांगा आमी हजर आसव. तुकलो : सिंधुमहोत्सव असो व्होवक होयो की आपलो जिल्हो ह्यो पर्यटन जिल्हो हा, ह्या देशाक नको महाराष्ट्राक कळला तरी पुरे हा. सकलो : किमान आपल्या जिल्ह्यातला सगळ्यांका कळला तरी पुरे हा. त्या धर्मान ते साफसफाई तरी करतीत.तुकलो : अगदी बरबर. स्थानिक संस्था आनी लोकांका बरोबर घेवन मोठो महोत्सव भरुदे रे म्हाराजा... - विजय पालकर