कोविड दंतमुखरोग, नेत्ररोगासाठी मोफत तपासणी

कोरोनाचा संसर्ग वाढत असून बाधितांच्या विविध अवयवांवर या आजाराचा परिणाम होत आहे. त्यामध्ये शरीरातील रक्त गोठण्याची प्रक्रिया व पर्यायाने कुठल्याही अवयवास पोहोचणारी इजा तसेच डोळे व दंतमुखरोगात म्युकॉरमायकोसिसद्वारे तोंड, वरचा जबडा, सायनसेस व पर्यायाने मेंदू इथपर्यंत संसर्ग होऊ लागला आहे. याचा हळूहळू विविध अवयवांवर परिणाम होत असल्याने कोरोना रुग्णांचा इलाज फक्त फिजिशियनच नव्हे, तर दंत व मुखरोगतज्ज्ञ तसेच नेत्ररोगतज्ज्ञ यांना करावा लागत आहे. विषाणूच्या या बदलामुळे विविध अवयवांच्या आजारांची गुंतागुंत वाढली आहे. त्यामुळे परभणी येथील डॉ. प्रफुल्ल पाटील डेडीकेटेड कोविड हॉस्पिटल व डॉ. प्रफुल्ल पाटील मल्टीसुपर स्पेशालिटी हॉस्पिटल प्रा. लि. यांनी रुग्णांची गरज पाहता दंतमुखरोग व नेत्ररोग तपासणी, चिकित्सा ही रुग्णसेवा मोफत देण्याचा निर्णय घेतला आहे. कोविड पॉझिटिव्ह रुग्णांना डोळ्याचा, दात किंवा वरच्या जबड्याचा (म्युकॉरमायकोसिस ) त्रास असल्यास त्यांनी येथील तज्ज्ञांचा मोफत सल्ला घ्यावा, असे आवाहन रुग्णालयाच्या संचालिका तथा मनपा सदस्या डॉ. विद्याताई प्रफुल्ल पाटील यांनी केले आहे.