तृतीय र्शेणी कर्मचार्‍यांचे समायोजन चतुर्थ र्शेणीत

- माध्यमिक व उच्च माध्यमिक प्रयोगशाळेतील परिचरांचा लढा सुरू
अकोला : राज्यातील मान्यताप्राप्त खासगी अनुदानित माध्यमिक व उच्च माध्यमिक तसेच सैनिकी शाळांमधील शिक्षकेतर कर्मचार्‍यांसाठी 2013मध्ये सुधारित आकृतीबंध लागू करण्यात आला. परंतु, या आकृतीबंधात तृतीय र्शेणीतील प्रयोगशाळा परिचरांचे समायोजन चतुर्थ र्शेणीत करण्यात येत आहे. याविरोधात राज्यातील 15 हजार 700 प्रयोगशाळा परिचरांनी संघर्ष सुरू केला आहे.
राज्यातील माध्यमिक व उच्च माध्यमिक शाळांमधील शिक्षक व शिक्षकेतर कर्मचार्‍यांसाठी नवीन आकृतीबंध तयार करण्यात आला आहे. त्यानुसार प्रयोगशाळा परिचर हे पद अतिरिक्त दाखविण्यात आले असून या कर्मचार्‍यांना निवृत्त होईपर्यंत सेवेत ठेवण्यात येणार आहे. त्यानंतर ते पद आपोआप व्यपगत होणार असल्याचे शासनाच्या निर्णयात म्हटले आहे. परंतु, सुधारित आकृतीबंधामुळे या कर्मचार्‍यांना चतुर्थ र्शेणीत मोडण्याचा प्रयत्न होत आहे.
या संदर्भात महाराष्ट्र राज्य शैक्षणिक प्रयोगशाळा कर्मचारी महासंघाच्यावतीने उच्च न्यायालयात याचिका दाखल केली असता सुधारित आकृतीबंधाच्या शासन निर्णयाची अंमलबजावणीसाठी जबरदस्ती न करण्याचा निर्णय दिला असल्याचे संघटनेचे राज्य महासचिव यांनी सांगितले आहे. प्रयोगशाळा परिचर पदाबाबत राज्य शासनाने विशेष समिती नेमली असून, येत्या काही दिवसांतच यावर निर्णय होणार आहे.
-----------
विद्यार्थ्यांच्या भवितव्यासाठी शाळांमध्ये प्रयोगशाळा सहायक व परिचर पद अत्यंत महत्त्वाचे आहे. राज्य शासनाच्या समितीमध्ये माझा समावेश असून, समितीच्या अहवालामध्ये हे पद पूर्वीच्या वेतनर्शेणीवरच कायम ठेवण्यात यावे, असा प्रस्ताव मांडण्यात आला आहे. सदर अहवाल मुख्यमंत्र्यांकडे प्रस्तावासाठी पाठविण्यात आला आहे.
- भरत जगताप, राज्य महासचिव, राज्य शैक्षणिक प्रयोगशाळा कर्मचारी महासंघ, सातारा