नाशिक : बेकायदेशीर फेरफार नोंदी व बनावट प्रतिज्ञापत्राच्या आधारे शासकीय जमिनीच्या गैरव्यवहारात सुमारे चार कोटींचा महसूल बुडविल्याचा आरोप असलेल्या उपविभागीय अधिकारी वासंती माळी, तत्कालीन तहसीलदार सुदाम महाजन यांच्यासह ११ लोकसेवकांच्या निवासस्थानांची शुक्रवारी लाचलुचपत विभागाने झाडाझडती घेतली.दरम्यान, या गुन्ह्णाची व्याप्ती बघता जिल्ह्यातील वनजमिनी, गायरान यासह इतर सरकारी जमिनींच्या सर्व व्यवहारांची पडताळणी करण्यात येणार असून, त्यासाठी विशेष पथक नियुक्त करण्यात येणार असल्याची माहिती लाचलुचपत विभागाचे अधीक्षक पंजाबराव उगले यांनी दिली. नवीन अविभाज्य शर्तीच्या जमिनीच्या खरेदी-विक्रीची परवानगी देण्याचा अधिकार नसताना नांदगावचे तत्कालीन तहसीलदार सुदाम महाजन यांनी जवळपास ३०० एकरच्या आसपास नवीन अविभाज्य शर्तीच्या जमीन खरेदी-विक्र ीस परवानगी दिली. यामुळे सरकारचा ५० टक्के महसूल बुडला. या बेकायदा कामात तहसीलदार महाजन यांच्या समवेत येवल्याच्या प्रांत वासंती माळी, तत्कालीन प्रभारी तहसीलदार प्रमिला दंडिले, दुय्यम निबंधक डी. डी. पंडित, मंडल अधिकारी अशोक शिलावट, एस. के.आहेर, अव्वल कारकून डी. ए. कस्तुरे (जमाबंदी), तलाठी व्ही. पी. सोनवणे, व्ही. बी. बोडके, जयेश मलदुडे, व्ही. पी. गायकवाड यांच्यासह अ‍ॅड. शिवाजी सानप, अ‍ॅड. प्रशांत सानप (कासारी), नाशिकचे जयंतीभाई पटेल, भावीन पटेल, मणिबेन पटेल, प्रवीणभाई पटेल, अर्जुन माकानी, शिवलाल माकानी, रंजन माकानी, विनोद माकानी, भारती शहा, पोपट पटेल यांचाही सहभाग असल्याने या प्रकरणी पोलीस निरीक्षक हेमंत भामरे यांनी नांदगाव पोलिसांत फिर्याद दिली. सिन्नर तालुक्यातील विंचूरदळवी येथील जयराम दळवी यांच्या तक्र ार अर्जाचा आधार घेत नाशिक लाचलुचपत प्रतिबंधक विभागाने ही कारवाई केली. या गुन्ह्णात अद्याप कोणाला अटक करण्यात आलेली नाही; मात्र संशयितांच्या घराची झडती प्रक्रि या पूर्ण करण्यात आली. (प्रतिनिधी)
प्रांत, तहसीलदारांसह अधिकाऱ्यांच्या घरांची झडती
By admin | Updated: January 7, 2017 01:35 IST